Гаши - Не се потребни предвремени избори во економска и здравствена криза
Сметаме дека во ваква економска и здравствена криза и заради стабилноста на државата не треба да бидат одржани предвремени парламентарни избори, изјави претседателот на Алтернатива Африм Гаши по одржувањето на првиот дел од првиот конгрес на партијата во Скопје.
Тој додаде дека сепак Собранието може да одлучи за одржувањето на избори доколку за тоа гласаат 61 пратеник.
„Но, ние сме против тоа“, изјави Гаши.
Нормално е секоја опозиција да се труди што поскоро да има избори и тоа е легитимно. Ние мислиме дека предвремени избори не се потребни, вели тој.
Гаши вели дека Алтернатива и се приклучила на владината коалиција за да помогне околу добивањето датум за почеток на преговорите за членство на земјата во ЕУ.
„Ако во некој момент цениме дека со нашето излегување би се помогнало, тоа би го направиле, но ние мислиме дека треба да има Влада која активно ќе работи на постигнување на договор со Бугарија и преговорите да започнат што побрзо, рече Гаши.
Некултура и неред во Собранието кое стана арена за тесно-партиски битки
Коментарите за одржувањето на предвремените избори доаѓаат во услови кога тоа го бара опозициската ВМРО-ДПМНЕ, партија кога започна со „активна блокада“ на Собранието бидејќи власта се противи на ваквото барање.
Од ВМРО-ДПМНЕ велат дека ќе го блокираат Собранието освен доенсувањето на закони кои се важни за граѓаните.
Владата на премиерот Димитар Ковачевски не го прифати барањето на ВМРО-ДПМНЕ за распишување на предвремени парламентарни избори, велејќи дека тие треба да се одржат по завршувањето на мандатот на Владата во 2024 година.