Случаи на мајмунски сипаници во Европа, САД, Канада и Австралија

Случаи на мајмунски сипаници се истражуваат во неколку европски земји, како и во САД, Канада и Австралија, според здравствените власти и извештаите на локалните медиуми.

Последните нови случаи се пријавени во Франција, Италија, Шведска и Австралија,  потврдени се случаи и во САД, Шпанија и Португалија. Се истражуваат 13 сомнителни смртни случаи во Канада.

Мајмунските сипаници се честа појава во оддалечените делови на централна и западна Африка, и сите случаи надвор од континентот се поврзани со патување во овие области.

Тоа е ретка вирусна инфекција која обично е блага и од која повеќето луѓе се опоравуваат во рок од неколку недели. Вирусот не се шири лесно меѓу луѓето и според Националната здравствена служба на Англија, ризикот за пошироката јавност е многу низок.

На Македонија ѝ се заканува епидемија со морбили?

Инфекцијата најчесто клинички се манифестира со треска, осип и отечени лимфни јазли и може да доведе до бројни медицински компликации, посочува Светската здравствена организација (СЗО).

Овие сипаници обично се пренесуваат на луѓе преку близок контакт со заразено лице, животно или материјал контаминиран со вирусот.

Иако вакцината против мајмунски сипаници не е одобрена во Европа, шпанските власти наводно веќе купиле илјадници дози за да ја потиснат епидемијата, пишува шпанскиот весник „Ел Паис“.

Мајмунските сипаници се ист член на семејството како и малите сипаници. Тие се помалку заразни од малите сипаници и предизвикуваат помалку случаи на тешка болест.