Амнести интернешнал- Иран да престане со ампутација на прсти на осудени за кражба

Меѓународната заедница мора да ги искористи сите дипломатски средства кои ги има на располагање за да ги спречи иранските власти да им ги ампутираат прстите на осум мажи осудени за кражба, порача меѓународната организација за човекови права Амнести интернешнал.

„Ампутирањето на прсти на затворениците е форма на тортура и е уште еден шокантен потсетник за бесрамната нечовечност на казнено-правниот систем во Иран, кој ја легализира тортурата“, се наведува во соопштението на Дијана Елтахави, заменик регионален директор на Амнести интернешенел за Блискиот Исток и Северна Африка.

Во соопштението објавено на 10 јуни се наведува дека извршувањето на вакви грозоморни казни не е правда, туку напад на човечкото достоинство.

Од Амнести интернешенел ги повикуваат иранските власти веднаш да ги укинат пресудите и казните за ампутација на осумтемина мажи и да им одобрат фер повторно судење.

Во Иран ќе им се суди на затворски чувари

Од организацијата велат дека најмалку тројца од нив биле осудени врз основа на „признанија“ изнудени со тортура.

Според исламскиот закон што се спроведува во Иран, повторените престапници се соочуваат со ампутација на прстите поради кражба. Извршувањето на казни за ампутација, сепак, било ретко во изминатите 40 години.