САД ги одобруваат ковид вакцините за деца над 6 месеци
Соединетите Држави се приближија до одобрувањето вакцини за Ковид -19 за деца на возраст над 6 месеци, што веројатно биде прифатено на национално ниво во текот на следната недела. Експертскиот панел за Центарот за контрола на болести (ЦДЦ) вчера гласаше 12-0 за овој потег.
Директорката на ЦДЦ, Рошел Валенски се очекува да го даде конечното одобрение, со што ќе ѝ дозволи на американската влада да започне со вакцинирање на децата на возраст под 5 години.
Фајзер понуди лекови без профит за најсиромашните земји
„Денес направивме голем чекор напред“, рече Оливер Брукс, еден од членовите на Советодавниот комитет за имунизација.
Администрацијата за храна и лекови на САД на 17 јуни го одобри вакцинирањето со вакцината на Модерна за деца на возраст од 6 месеци до 5 години и вакцината на Фајзер Бионтек за деца на возраст од 6 месеци до 4 години. Вакцината на Фајзер веќе е одобрена за деца над 5 години.
Администрацијата на САД планира да го имплементира ова веќе од следната недела.
Ковид вакцини има, ама нема кандидати за нивно примање
„Ќе почнеме да испраќаме милиони дози вакцини за деца на илјадници локации кои родителите ги знаат и им веруваат - вклучително и педијатриски амбуланти, детски болници и аптеки“, изјави американскиот претседател Џо Бајден на 17 јуни.
Околу 18 милиони деца ќе можат да ги примат овие вакцини, но не е јасно колку силна ќе биде побарувачката за нив. Вакцината Фајзер беше одобрена за деца на возраст од 5-11 години кон крајот на минатата година, но само околу 29 отсто од таа група беа целосно вакцинирани во САД, покажуваат федералните податоци.