Бугарската собраниска комисија го поддржа францускиот предлог, но со измени
Бугарската владата да го одобри т.н француски предлог за решавање на спорот со Северна Македонија, но само доколку се измени за да се исполнат одредени услови. Ова е одлуката донесена доцна попладнево од Комисијата за надворешна политика во бугарскиот парламент со гласовите на пратениците од „Продолжуваме со промената“, ГЕРБ, ДПС и „Демократска Бугарија“.
Пратениците во Комисијата за надворешна политика денеска расправаа за три предлог-одлуки - на ГЕРБ, на ДПС и на Христо Иванов од „Демократска Бугарија“. Предлозите на ГЕРБ и ДПС беа одбиени. Предлогот на Христо Иванов беше прифатен. „Има таков народ“ и „Преродба“ гласаа против, а БСП воздржано.
Ковачевски му кажа „не“ на францускиот предлог
Одлуката предвидува бугарската влада да ја одобри предложената рамка за преговорите за членство на Северна Македонија во ЕУ, доколку е наведена, за да ги обезбеди следните услови:
-влегувањето на Бугарите во македонскиот устав како државотворен народ;
-ништо во преговарачкиот процес нема да се толкува како признавање на македонскиот јазик од Бугарија;
-добрососедството останува репер во процесот на пристапување и Брисел ќе ги информира земјите од ЕУ за напредокот;
-не само почитувањето на договорот со Бугарија, туку и протоколите кон него, ќе бидат вклучени во рамката на преговорите.
За одлуката мора да се гласа и на пленарна седница. Доколку таму биде усвоен, ќе и даде мандат на владата да преговара за измените на францускиот предлог и доколку ги постигне, да го одобри и со тоа да го укине ветото.
Петков - Тешки разговори во Брисел и „страшно очекување“ дека Бугарија ќе го крене ветото за Македонија
За таа цел, сепак, Бугарија мора да го одобри, заедно со сите ЕУ членки и Македонија. Македонскиот премиер Димитар Ковачевски пак денеска по Самитот ЕУ со Западен Балкан изјави дека францускиот предлог, во формата во која беше претставен, е неприфатлив за Македонија.
Бугарија стави вето на почетокот на преговорите за членство на Северна Македонија во ЕУ во 2020 година.