ССМ го блокира влезот на Скопје кај Автокоманда
Сојузот на синдикатите на Македонија синдикалниот притисок за исполнување на нивните барања за линеарно зголемување на платите од 2.806 денари за секој работник од денеска продолжува на улица. Синдикалците утрово почна блокада на влезот на Скопје, кај Автокоманда. Блокадата трае од 7 до 10 часот.
Тие бараат зголемувањето на платите да се вметне или преку амандман или преку Општиот колективен договор. Се пропушаат само возила на итна медицинска помош, полиција, армија и пожарна.
Сојузот на синдикатите на Македонија посочи дека незадоволството на работниците од јавниот сектор е огромно и поради тие причини решиле да продолжат со други форми на синдикален притисок и незадоволството да го изразува на улица. ССМ од минатата среда организираше генерален штрајк во јавниот сектор.
Генерален штрајк во јавниот сектор за повисоки плати, нема решение за продуктивноста
Инаку, во саботата вечерта Штрајкувачкиот одбор – Претседателството на ССМ одржа итна седница на која е донесена едногласна одлука за ставање во мирување на генералниот штрајк во регионите на општините Делчево, Виница и Демир Капија, кои тој ден беа погодени од невреме, заради потребата од ставање на сите расположливи капацитети за справување со последиците од елементарната непогода. Штрајкот ќе биде во мирување до завршување на потребата за ангажирање на дополнителни капацитети за справување со последиците од невремето во погодените региони.