Приведен познатиот руски хокеар Федотов поради наводно избегнување на воената служба
Познатиот рускиот голман во хокеј на мраз, Иван Федотов, наводно е приведен поради одбивање за служење на воениот рок.
Медиумите денеска објавија дека Федотов, еден од најдобрите руски голмани и репрезентативец на земјата, бил приведен во Санкт Петербург и донесен во градскиот комесаријат.
Весникот „Фонтанка“ и онлајн-журналот „База“ цитираа полициски извори од Санкт Петербург, кои велат дека полициските и воените функционери започнале потера за лоцирање на Федотов на 1 јули на барање на канцеларијата на военото обвинителство, кое го обвини хокејарот на мраз за избегнување на воената служба.
САД блокираа фонд поврзан со руски олигарх
25-годишникот минатиот месец потпиша нов договор со Филаделфија Флаерс од Националната хокеарска лига на САД и планира да го напушти својот руски клуб, Централниот спортски клуб на армијата (ЦСКА), за да може да игра во САД.
ЦСКА е клуб за хокеј на мраз на руската армија и неговите членови официјално се сметаат за воен персонал и затоа раскинувањето на договорите од членовите на тимот може да се смета за незаконско.
МОК препорача забрана за учество на спортисти од Русија и Белорусија
Федотов играше во руската Континентална хокеј лига (КХЛ) со ЦСКА Москва во сезоната 2021-22, водејќи го тимот до шампионатот во лигата. Тој беше прогласен за еден од тројцата финалисти за наградата за најдобар голман.
Федотов играше и во олимпискиот тим на Русија во 2022 година на Зимските олимписки игри во Пекинг, освојувајќи сребрен медал како стартен голман.