Најмалку 20 мртви и многу повредени во автобуска несреќа во Пакистан

Најмалку 20 лица загинаа, а десетина се повредени кога патнички автобус се лизнал од патот во планинска клисура за време на силен дожд во југозападен Пакистан.


Махтаб Шах, официјален претставник во округот Ширани во провинцијата Белуџистан, изјави дека во автобусот имало 35 патници и дека спасувачите се на местото на настанот.


Шах рече дека автобусот патувал од Исламабад до Квета и дека сите патници биле возрасни мажи. Тој додаде дека некои од повредените се во тешка состојба и дека бројот на жртвите може да се зголеми.



Најмалку 22 загинати кога патнички автобус падна во провалија во Пакистан


Смртоносните инциденти на патиштата се вообичаени во Пакистан поради лошата инфраструктура, лошо одржуваните возила и несовесното возење. Минатиот месец, 22 лица загинаа кога автобус се урна во провалија во друг дел на провинцијата Балучистан.