Шолц: Сакаме Северна Македонија да стане членка на ЕУ

Германскиот канцелар Олаф Шолц во пораката до македонската јавност наведува дека ЕУ сака Северна Македонија да стане нејзина членка, за што, како што вели во пораката, ќе биде потребно да се направат компромиси кои понекогаш значат „болни отстапки, но на крајот тие секогаш нè носат напред и нè прават посилни“. „Ние сакаме Северна Македонија да стане членка на ЕУ. Сакам да бидам сосема искрен со Вас: Дури и по прифаќањето на овој компромис, процесот за влез во ЕУ нема да биде лесен. Ќе има и други пречки кои ќе треба да бидат надминати. Но, јас исто така ви велам: Заедно ќе ги совладаме задачите кои ни претстојат. Затоа што сакаме да бидете членка на оваа Европска Унија’, порача Шолц.

Макрон: Северна Македонија повторно се наоѓа пред клучен момент од својата историја

Според него, земјава се соочува со носење на една многу важна одлука за прифаќање на европскиот компромис, со што конечно ќе се одржи првата пристапна конференција за членство. „Тоа ќе биде важен чекор што ќе ве приближи до членство во ЕУ и со што ќе се надмине блокадата. Јас ги разбирам Вашата нестрпливост и Вашата фрустрација. И повеќе од тоа: ги споделувам со Вас! Јас Ве разбирам кога ќе кажете: Нам ни беше предолго и премногу ветувано. Тоа што се бараше од нас беше премногу. Јас го разбирам Вашиот сомнеж дали со овој чекор навистина ќе се отвори патот за влез во ЕУ. Сите знаеме дека компромисите понекогаш значат болни отстапки. Европската Унија се состои од компромиси, ден за ден. Но, јас сум цврсто убеден дека дури и тешки компромиси на крајот секогаш нè носат напред и нè прават посилни. Ние Ве сакаме Вас, драги Македонки и Македонци, зачленети во една унија во која се чуваат и се негуваат Вашите и нашите културни особености, нашите различни јазици и нашите идентитети. Тоа нè прави заедно силни. Ние сме и ќе останеме на Ваша страна“, порача Шолц во обраќањето.

„Францускиот предлог“ ќе го чека ребалансот на Буџетот

Инаку, кабинетот на претседателот на Собранието Талат Џафери најави пленарна седница на чиј дневен ред ќе биде Информацијата за содржината на предлог-преговарачката рамка доставена од Владата, а датумот на нејзиното одржување ќе биде дополнително соопштен.