Кремљ ги отфрли гласините за нарушено здравје на Путин

Кремљ ги отфрли медиумските шпекулации дека здравствената состојба на претседателот Владимир Путин е нарушена, отфрлајќи ги гласините како „лажни“. Говорејќи на денешната прес конференција во Москва портпаролот на Кремљ Дмитриј Песков, рече дека 69-годишниот руски лидер е добро, додавајќи дека кашлањето за време на јавен настап еден ден претходно се должи на едноставната настинка што ја добил за време на патувањето во Иран претходно оваа недела предизвикана од интензивната внатрешна климатизација.


Иран го поддржа Путин за време на неговата посета на Техеран


И покрај извештаите во последниве месеци во кои се тврди дека Путин имал рак, Паркинсонова болест или и двете, нема докази дека тој е болен, а Кремљ постојано вели дека рускиот лидер е во добра здравствена состојба. Вчера, одговарајќи на прашање на Безбедносниот форум во Аспен во Колорадо за здравјето на Путин, директорот на ЦИА Вилијам Барнс, се пошегува дека Путин „целосно е премногу здрав“.