Пелоси: Кина не може да ги спречи американските претставници да го посетат Тајван
Пелоси замина од Тајван, завршувајќи ја посетата што ја налути Кина
Пелоси, првиот претседател на Претставничкиот дом на САД што го посети Тајван по 25 години, во средата во Тајпеј рече дека посветеноста на САД за демократија на островот и на други места останува „цврста“. Пелоси и уште пет други членови на Конгресот доцна синоќа пристигнаа во Токио како дел од азиската турнеја која вклучуваше и посети на Сингапур, Малезија, Тајван и Јужна Кореја. Кина, која го смета Тајван за дел од својата територија и се заканува дека ќе го анектира насилно доколку биде потребно, посетата на Ненси Пелоси ја нарече провокација, а вчера почна воена вежба, вклучувајќи вежбање ракетни напади во шест зони околу Тајван. Пелоси рече дека Кина ги започнала ракетните вежби, најверојатно користејќи ја посетата на американските членови на Конгресот на Тајван како изговор.