СДСМ - Мицкоски може веднаш да си даде оставка

„Мицкоски да не чека, може веднаш да си даде оставка и да ја напушти политиката“, реагираат од владејачката партија СДСМ по изјавата на лидерот на ВМРО-ДПМНЕ, Христијан Мицкоски, дека ако некој од неговите пратеници гласа за промена на Уставот тој ќе се замине од политиката.

„Мицкоски, кој самиот се прогласи за анти ЕУ политичар, уште еднаш потврди дека референдумот кој го најавува, а за кој не ја знае ниту формата, ниту прашањето му е само за внатрепартиска и лична употреба.

Мицкоски денеска при посета на Општина Бутел рече дека ќе ја напушти политиката ако некој од партијата гласа за промена на Уставот.

„Иако од власта ќе продолжат со притисоците и со изјавите дека имало пратеници од раководството. Нема такви. Тука сакам да ја затворам таа тема – по цена на мојата професионална и политичка кариера, такви луѓе нема, јас гарантирам. Ако гласа некој, ќе си заминам, ќе ја напуштам политиката и никогаш повеќе нема да се занимавам со политика ако јас додека сум претседател, под овие услови биде променет Уставот, рече Мицкоски.

ВМРО-ДПМНЕ најави референдум за внесувањето на Бугарите во Уставот, за што се потребни уставни измени, што пак е услов за продолжување на преговорите за влез во ЕУ.

ВМРО-ДПМНЕ ги продолжува консултациите за референдумот

ВМРО-ДПМНЕ се противи на уставни измени и најави дека нема да гласа за нив, а Уставот не може да се смени само со просто мнозинство, односно потребни се и гласови од пратениците до ВМРО-ДПМНЕ.