Експлозија во Кабул, најмалку двајца загинати и 18 повредени

Експлозија денеска одекна во џамија во главниот град на Авганистан во близина на комплекс на Министерството за внатрешни работи, соопштија талибанските власти. 

Според податоците на медицинските лица, загинале најмалку две лица, а 18 се повредени.

„За жал имаше експлозија во помошна џамија каде што се молеа некои работници и посетители на Министерството за внатрешни работи. Ќе ги споделиме деталите подоцна“, соопшти денеска на Твитер портпаролот на Министерството Абдул Нафи Такор.

Тој додаде дека џамијата често ја користеле за молитви вработените во Министерството. Никој не ја презеде одговорноста за експлозијата, која се истражува, додаде тој.

Протест на Авганистанките поради „геноцидот на Хазара“ по смртоносниот самоубиствен бомбашки напад

Италијанската невладина организација „Итна помош“, која раководи со болницата во Кабул, на Твитер објави дека примила 20 пациенти од експлозијата, од кои двајца биле мртви при пристигнувањето. 

Оваа експлозијата доаѓа по самоубиствен бомбашки напад кој се случи на 30 септември, а како што објавија ОН, загибаа 53 лица во училница во Кабул, меѓу кои 46 девојчиња и жени.

Ниту една група досега не ја презеде одговорноста за тој напад, за кој талибанските власти соопштија дека загинале 25 луѓе.

Милитантната група Исламска држава, која смета дека шиитите се еретици, изврши неколку смртоносни напади во истата област насочени кон девојчиња, училишта и џамии.

Тврдокорната талибанска милитантна група, која се врати на власт минатата година во Авганистан, вети дека ќе ги заштити малцинствата и ќе ги запре безбедносните закани.

Сепак, нападите се засилија во последниве месеци.