Болсонаро не го признава поразот, но сигнализира дека ќе соработува во предавањето на власта
Бразилскиот екстремно десничарски претседателски кандидат Жаир Болсонаро рече дека „ќе продолжи да ги исполнува сите заповеди од уставот“ по два дена откако претрпе изборен пораз од левичарскиот лидер Луис Инасио Лула да Силва. Болсонаро во својот говор доцна синоќа не го призна изборниот пораз, но се чини дека ја сигнализира својата намера да соработува во трансферот на власта, објави Си-Ен-Ен. Шефот на кабинетот на претседателот, Чиро Ногуеира изјави дека ќе соработува со новите власти во име на Болсонаро и дека чека преодниот тим на Лула да Силва да го започне предавањето.
Во Бразил поддржувачите на Болсонаро ги блокираа патиштата по неговиот пораз на изборите
„Претседателот Жаир Болсонаро ме овласти, кога ќе дојде време, да го започнам процесот на предавање на власта врз основа на законот“, рече Ногуеира. Молкот на Болсонаро откако бразилската изборна администрација во неделата соопшти дека Да Силва освоил 50,8 отсто за да го победи поранешниот претседател кој освои 49,2 отсто од гласовите, ги подгреа стравувањата дека тој нема да ја предаде власта. Возачите на камиони лојални на Болсонаро вчера ги блокираа патиштата низ земјата во сите држави освен во две држави, што влијаеше на снабдувањето со храна. Во своето синоќешно обраќање Болсонаро не ги оспори резултатите од гласањето ниту му честиташе на Да Силва за победата, туку само им се заблагодари на оние кои гласаа за него.