Гласни критики од Западот по најавата за руски државен медиум во Србија
Веста дека руската државна телевизија „Russia today“ отвора редакција на српски јазик во Белград предзвика бројни критики од Брисел. Упатените велат дека РТ може да претставува „проблем“ за официјален Белград, затоа што исклучиво ќе ги промовира интересите на Руската Федерација. РСЕ испрати прашање до седиштето на РТ во Москва, но до објавувањето на текстот нема одговор дали и кога ќе биде отворена редакцијата на српски јазик во Белград.