Северна Македонија стана полноправна членка на Унијата за Медитеранот
Северна Македонија денеска стана полноправна членка на Унијата за Медитеранот, организација која ги вклучува сите земји-членки на ЕУ, како и медитеранските земји кои не се дел од неа. Како што соопшти Министерството за надворешни работи на Северна Македонија, оваа одлука едногласно ја усвоија министрите за надворешни работи на 42 земји членки на Медитеранската унија во рамките на Регионалниот форум на тој мултилатерален проект, што се одржува во Барселона. Министерот за надворешни работи на Северна Македонија, Бујар Османи, во својот говор на церемонијата за прием изрази благодарност за признавањето на реалниот интерес на Северна Македонија за влез во Унијата за Медитеранот, како и за укажаната доверба.
Османи и Милков договориле конкретни механизми против говорот на омраза
„Нашето учество во Унијата за Медитеранот како платформа за регионална соработка и дијалог ќе ни овозможи, како земја која започна преговори за членство во ЕУ, да се поврземе и поблиску да се интегрираме во европските структури кои го покриваат медитеранскиот басен и да комуницираме соодветно со земјите од Европската Унија и петнаесетина земји од јужниот и од источниот Медитеран“, рече Османи. Тој посочи дека Северна Македонија, со својата традиција на меѓуетнички дијалог, кохезија и мирно решавање на билатералните спорови, придонесува за стабилноста на Југоисточна Европа преку промовирање на европските вредности, добрососедски односи, регионална соработка и култура на дијалог.