Пронајдени доверливи документи во поранешната канцеларија на Бајден
Американското Министерство за правда ги истражува можните доверливи документи пронајдени во поранешните канцеларии на американскиот претседател Џо Бајден во институтот каде што работел во Вашингтон, објави Белата куќа. Специјалниот советник на претседателот Ричард Заубер рече дека „мал број доверливи документи“ биле откриени додека адвокатите на Бајден ги празнеле канцелариите на Центарот Пен Бајден.
ФБИ барале документи за нуклеарно оружје во имотот на Трамп
Бајден имаше канцеларија во центарот од кога ја напушти потпретседателската функција во 2017 година до започнувањето на неговата претседателска кампања во 2019 година. Документите биле пронајдени на 2 ноември 2022 година и предадени на Националната управа за архиви и евиденција. Заубер рече дека адвокатите веднаш ја известиле канцеларијата на Белата куќа.