Полицијата проверила - Лажни се дел од десетиците закани за бомби во Скопје
Проверките по дојавите за бомби во Градскиот трговски центар, Ист гејт мол, хотел Мериот, Музеј на град Скопје, Спомен куќа Мајка Тереза, Транспортен центар, ТЦ Бисер и Џевахир холдинг покажале дека станува збор за лажни дојави, соопштија од МВР.
Продолжуваат антитерористичките проверки во преостанатите објекти кои пријавиле дека на нивните електронски адреси утрово пристигнале закани за бомби - Природонаучниот музеј, Археолошкиот музеј, Музеј на ММБ, Флатирон, Управниот суд, Куќата на Претседателот - Вила Водно, хотел Александар Палас, СЦ Борис Трајковски и ФФМ. Исто така добиена е пријава за упатена закана и од 11 училишта во Скопје.
Вчера имаше лажни дојави за поставени експлозивни направи на електронските адреси на 10 училишта и аеродромот во Скопје, како и кај четири во Прилеп.
Веќе неколку месеци, речиси секојдневно во Македонија има лажни дојави за бомби во јавни објекти. Сторителите ретко се пронаоѓаат.