Прва дебата на републиканците за претседателските избори без Трамп

Денеска ви Милвоки, Висконсин че биде одржана првата дебата од кампањата за претседателските избори во САД во 2024 година на кандидатите на Републиканската партија.

Девет кандидати се квалификуваа за дебатата, додека поранешниот претседател Доналд Трамп, изјави дека ќе го прескокне настанот.

Малкумина од учесниците отворено го критикуваа Трамп. Исклучок е поранешниот гувернер на Њу Џерси, Крис Кристи. Други, како што е гувернерот на Флорида Рон ДеСантис, кој е на второ место по Трамп, и поранешната гувернерка на Јужна Каролина Ники Хејли, зазедоа поодмерен пристап, надевајќи се дека ќе ја убедат партиската база која останува лојална на Трамп дека можат да ја спроведат десничарската агенда на поранешниот претседател, јави Гласот на Америка.

Трамп во неделата објави на својата платформа за социјални медиуми Truth Social дека поради неговото огромно водство во анкетите и неговите познати достигнувања за време на неговиот мандат како претседател нема да учествува на дебатите.

Трамп ја остави отворена можноста дека е подготвен да се соочи со републиканските ривали на подоцна во кампањата.

Трамп, исто така, изјави дека нема да го потпише „заветот за лојалност“, кој бара од сите првични губитници на крајот да го поддржат номинираниот, еден од условите за учество во дебатата во Милвоки.

Дури и без Трамп да учествува во дебатата, се очекува разговорот на настанот да биде главно за него, вклучувајќи ги и повеќето од 90 обвиненија за кривични дела со кои тој се соочува за наводни злосторства извршени пред, за време и по неговото претседателствување.

Дебатата нема да биде многу значајна за Трамп. Тој според анкетите, тој сепак ќе биде фаворит без оглед на тоа што ќе се случи. Но, за другите, може да има вирален момент, добар или лош, кој значително ги менува нивните анкетни бројки.

„Мислам дека ДеСантис има најмногу што да загуби. Вивек Рамасвами веројатно има најмногу да добие. Има многу луѓе кои доаѓаат за него“, изјави првиот портпарол на Трамп во Белата куќа Шон Спајсер за Гласот на Америка пред дебатата.

Првата дебата на Републиканската партија, исто така, го става во центарот на вниманието Висконсин, една од ретките сојузни држави што се очекува да обезбеди вистински натпревар меѓу двете големи партии на претседателските избори следната година.

Милвоки ќе биде домаќин на конвенцијата за номинација на Републиканската партија следниот јули.

Трамп тесно победи во оваа сојузна држава во 2016 година, пред да загуби со слична разлика од претседателот Џо Бајден четири години подоцна.