Воздушен напад врз бегалски камп во Газа, најмалку 50 лица се загинати

Израелската војска изврши воздушен напад врз бегалскиот камп Џебалија во северниот дел на Газа, изјави вечерва портпаролот на израелската армија, Ричард Хехт. 

„Во таа област беше присутен и висок воен командант на Хамас“, изјави за Си-Ен-Ен портпаролот на израелската војска.

И портпаролот на израелските одбранбени сили (ИДФ), Даниел Хагари, потврди дека израелски воени авиони извршиле напад врз бегалскиот камп Џабалија во Газа, во кој, како што рече, загинал висок командант и се создал хаос во подземнатата инфраструктура на Хамас, пренесува Би-Би-Си.

Претходно, француската агенција АФП, соопшти дека тие се на местото на несреќата во кампот Џабалија во северниот дел на Газа, а снимките кои ги поседуваат, тврдат оти покажуваат дека од урнатините се извлечени најмалку 47 тела.

Министерството за здравство управувано од Хамас и директорот на блиската индонезиска болница соопштија дека во нападот загинале најмалку 50 луѓе.

Џабалија, камп лоциран на север, е најголемиот од осумте бегалски кампови во Газа. Повеќе од 116.000 палестински бегалци се регистрирани во таа област до јули 2023 година, јавува Би-Би-Си.

Заедно со кампот Шати, Џабалија се наоѓа во област која Израел ја прогласи за зона за евакуација.