Русија го намалува производството на нафта од јануари 2017

Министерот за енергетика на РФ Александар Новак истакна дека Русија ќе почне да го намалува производството од јануари. До март, намалувањето ќе изнесува околу 200 илјади барели дневно, понатаму земјата ќе продолжи до целта од 300 илјади барели, што ќе се случи, според него, во април и мај. Земјите кои не се членки на ОПЕК земји ќе го намалуваат своето производство согласно договорот од октомври.

Русија ќе учествува на преговорите на ОПЕК во Виена

Зборувајќи во врска со перспективите на пазарот, Новак истакна дека неговото балансирање при реализацијата на договорот ќе се случи во третиот и четвртиот квартал на 2017 година. Цената од 55-60 долари за барел министерот ја опиша како „апсолутно удобна“ - според неговите зборови, таа овозможува да се балансираат интересите и на производителите, и на потрошувачите.

Производството на нафта во Русија во текот на следната година ќе биде малку помало од предвидувањата, додаде Новак, пренесува „Лента.ру“.

Во Виена, во саботата, 10 декември, заврши министерскиот состанок на ОПЕК со претставниците на земјите што не се членки на картелот. Средбата траеше шест часа, а заврши со потпишување на договор за намалување на производството на нафта. Според Новак, на договорот се приклучија 11 земји кои се надвор од ОПЕК. Според него, земјите надвор од ОПЕК во првата половина на следната година ќе го намалат производството на нафта за околу 560.000 барели дневно.