Путин ја оцени состојбата на руската нуклеарна тријада
На состанокот на колегиумот на Министерството за одбрана на Русија Путин изјави дека нуклеарната тријада (стратешката авијација, интерконтиненталните балистички ракети и атомските подморници) ја игра клучната улога во одржувањето на стратешкиот паритет, пренесува „Взгљад“.
Според него, ненајавените проверки на борбената готовност на ВС Русија ја потврдиле можноста за оперативно преместување на руските сили на големи растојанија во најкраток рок.
Русија добива хиперсонично оружје на почетокот на 2020-те
Исто така, Путин истакна дека за една година степенот на борбената обука на силите е зголемен.
Претседателот на Русија исто така додаде дека Министерството за одбрана наредната година треба да се фокусира на обезбедување балансиран развој на сите видови и родови војска, при што треба да се продолжи со развојот на високопрецизното оружје, современите средства за врска, разузнавање, управување и противелектронска борба.
Борбениот потенцијал на руските стратешки нуклеарни сили треба да се зајакнува со ракетни системи способни за сигурно надминување на постојните и идни системи за противвоздушна одрбана.
Стратешките ненуклеарни сили исто така треба да достигнат ново ниво кое ќе им овозможува да неутрализираат секаква воена закана за Русија, изјави Путин.