МНР РФ: Со новите санкции администрацијата на Обама им наштетува на САД

Со воведувањето на новите антируски санкции администрацијата на претседателот Обама ѝ наштетува на својата земја, се вели во коментарот на МНР РФ.

„Последното – второ за три дена – проширување на американските санкции против Русија, кога крвавите напади во Анкара и Берлин, изгледа, треба да ги сплотат разумните луѓе во спротивставувањето на терористичката закана, сигнализира за целосна загуба во Вашингтон на чувството за реалност“, се вели во документот што го пренесува РИА „Новости“.

САД ги проширија санкциите против Русија

Последниве години администрацијата на Барак Обама толку пасионирано бараше начини да ѝ нанесе штета на Русија, што поинаку и не се очекуваше од неа, потенцира рускиот дипломатски ресор. Толку непромислените чекори им штетат и на самите САД, чиј имиџ паѓа дури и во очите на оние кои се далеку од политиката, се истакнува во изјавата.

САД во петокот додадоа 23 руски компании на списокот со санкции поради Украина. На листата се најдоа пристаништата и пругите на Крим, руски истражувачки институти и претпријатија. Истиот ден американското Министерство за финансии во рамките на важечките санкции на САД против Сирија воведоа санкции против низа раководители на руската банка „Темпбанк“.