Uavgjort i gigantoppgjeret
Italia og Tyskland spela 1-1 i sin første kamp i nasjonsligaen i fotball i Bologna laurdag kveld.
Måla kom med tre minutts mellomrom i andre omgang. Lorenzo Pellegrini gav Italia leiinga etter 70 minutt. Men like etter utlikna Joshua Kimmich for gjestene.
Italia, som i mars blei slått ut i VM-kvalifiseringa, har berre vunne ein av sine siste seks kampar.
Tyskland har ikkje tapt på dei ti kampane dei har spela sidan Hans Flick tok over som landslagssjef, men dei har framleis aldri slått Italia i konkurransekamp.