Nordlandsbanen er stengt fredag
Nordlandsbanen er framleis stengt mellom Ranheim og Vikhammer etter at eit tog spora av. Bane Nor har tilkalla spesialhjelp frå Oslo for å hjelpe til.
Banen blir framleis halden stengd fredag kveld. Bane Nor opplyser at dei kjem med ei ny oppdatering laurdag morgon klokka 6.
Arbeidet med å berge arbeidstoget som natt til fredag spora av er venta å ta tid, skriv Nidaros.
Fleire tusen passasjerar er ramma av hendinga og togselskapet SJ Norge har sett opp alternativ til andre reiseruter og framkomstmiddel.
– Lokaltoga frå Trondheim og nordover, køyrar frå Trondheim til Ranheim. Derfrå går det busspendel til Hommelvik fortløpande. Frå Hommelvik går lokaltoget til Steinkjer, sa kommunikasjonssjefen i selskapet Hilde Lyng til Nidaros.
Passasjerar ved nattoget frå Trondheim til Bodø blir frakta med buss til Stjørdal, og deretter går toget.
(NPK)