Seks personar drepne i skytinga under 4. juli-parade i USA
Minst seks personar skal vere drepne og 24 er skadde i skytinga under ein 4. juli-parade i Illinois i USA.
Politiet orienterte om hendinga på ein pressekonferanse like før klokka 20, norsk tid.
Gjerningsmannen er framleis på frifot. Han blir beskriven som ein kvit mann i alderen 18-20 år med langt, svart hår.
– Det ser ut til å vere eit tilfeldig angrep, seier politisjef i Lake County, Chris Covelli.
Gjerningsmannen skal ha brukt ei rifle, og han skaut frå eit hustak, ifølge politiet.
Politiet ynskjer å sikre seg videoopptak frå folk som var til stades.