Ruud vann tiebreak-drama – vidare til kvartfinale i Madrid Open

Casper Ruud er vidare til kvartfinalen i ATP 1000-turneringa Madrid Open etter siger mot Stefanos Tsitsipas.

Det blei ein jamn kamp då tittelforsvarar Ruud møtte den greske spelaren i åttedelsfinalen.

Det første settet gjekk til Tsitsipas etter tiebreak (7-4).

Også det andre settet måtte avgjerast med tiebreak, men denne gongen var det Ruud som var sterkast (7-2).

– No er eg imponert Casper Ruud. Det har eg vore mange gonger, men no er eg mektig imponert, sa TV 2s kommentator Christian Paasche i slutten av det siste settet.

I det siste og avgjerande settet blei det igjen tiebreak, der var Ruud igjen sterkast. Ruud vann med settsifra 6-7 (4-7), 7-6 (7-2), 7-6 (7-3) etter 3 timar på den spanske grusen.

– Du får ikkje meir tennis enn denne kampen der det er såpass jamt. Det blir avgjort på tre tiebreak, seier Ruud til arrangøren etter kampen.

I kvartfinalen ventar enten argentinar Francisco Cerundolo eller belgiske Alexander Blockx.