د افغانستان او زیمبابوې دوهمه ۲۰ اورېزه لوبه افغان لوبډلې وګټله
د پرونۍ لوبې پچه زمبابوې وګټله او لومړی یې د توپ اچونې پرېکړه وکړه.
افغانستان د نهو لوبغاړو په سوځېدو زیمبابوې ته ۱۵۸ منډې هدف وټاکه.
محمد نبي د ۴۵ منډو په جوړولو تر نورو ډېرې منډې جوړې کړې.
پر نوموړي سربېره ۱۷ منډې شهزاد محمدي، ۲۷ منډې کریم صادق، ۲۷ اصغرستانکزي او ۲۴منډې نجیب ځدراڼ جوړې کړې.
ورپسې زمبابوې لوبغاړو لوبه پیل کړه چې د پنځو لوبغاړو په سوځېدو یې یوازې ۱۴۱ منډې جوړې کړای شوې او په دې توګه افغانستان د ۱۷ منډو په توپیره دا سیالي وګټله.
د زیمبابوې دوه لوبغاړي مجیب ځدراڼ، دوه لوبغاړي راشد خان او یو لوبغاړی محمد نبي وسوځول.
محمد نبي چې ښه لوبه یې وکړه، د لوبې غوره لوبغاړی ونومول شو.