سرچینه: د هرات شنډنډ کې د طالبانو په حمله کې ۹پولیس وژل شوي
که څه هم تر دامهاله په دغه حمله کې د اوښتې مرګ ژوبلې په اړه ضد او نقیض ارقام ورکول کېږي، خو یوې امنیتي سرچینې چې نه یې غوښتل نوم یې واخیستل شي ازادي راډیو ته وویل چې په دغه حمله کې ۹ د عامه نظم پولیس وژل شوي ۲ټپیان او ۲ نور نادرکه دي.
سرچینه همدارنګه زیاتوي چې وسله والو طالبانو د دغه پوستې دپولیسو پوځي وسایل هم له ځان سره وړي دي.
پر همدې مهال د هرات د والي ویاند جیلاني فرهاد له ازادي راډيو سره خبرو کې دغه حمله تائید کړه او وايي چې په دغه حمله کې دواړو خواوته تلفات اوښتي خو د کره ارقامو په اړه یې څه ونه ویل.
نوموړي زیاته کړ چې د پېښې د څېړلو لپاره سیمې یو پلاوی استول شوی دی.
وسله والو طالبانو تر دامهاله په دې اړه څه نه دي ویلي.