اروپايي هېوادونو په ۲۰۱۷کې یو لک او ۷سوه افغانانو ته پناه ورکړې
په اروپا کې په تېر ۲۰۱۷ مېلادي کال کې یو لک او ۷سوه افغانانو ته پناه ورکړل شوې ده.
دا شمېره په اروپا يي هېوادونو کې د پناه اخستونکو ۵ لکه او څلوېښت زرو کډوالو ۱۹په شلو کې جوړوي.
د اروپا د احصايې دفتر نن وویل د منل شویو پناه غوښتونکو دا شمېر د هغو په مقایسه ۲۵ په سلو کې کم دی چې په ۲۰۱۶ کال کې په اروپايي اتحادیه کې ورته پناه ورکړل شوې ده.
سوريې کډوال او پناه غوښتونکي په اول مقام، افغانان په دوهم او د عراق وګړي په دریم ځای کې دي.
جرمني تر ټولو زیات کډوال او پناه غوښتونکي منلي دي او تر دې هېواد وروسته فرانسه، ایټالیا، اطریش او بیا سویډن دی چې زیات شمېر پناه غوښتونکو ته يې پناه ورکړې ده.