راپور: افغانستان او کلمبیا کې د نشهيي موادو تولید ۶۵ سلنه زیات شوی
د هغه راپور په بنسټ چې د سې شنبې په ورځ خپور شو، پهدې دوو هېوادونو کې د نشهيي موادو تولید د ۲۰۱۶ میلادي کال څخه تر ۲۰۱۷ میلادي کال پورې په سلو کې ۶۵ زیات شوی دی.
خو په ملګرو ملتونو کې د افغانستان استازي محمود صیقل پرون سې شنبې د امنیت شورا ته وویل، په تېرو څو میاشتو کې زرګونه ټنه نشهيي مواد د افغان امنیتي ځواکونو لهخوا نیول شوي دي.
نوموړی وايي:
"زموږ د نشهيي موادو پر ضد د مبارزې پولیسو د دې کال په لومړیو شپږو میاشتو کې په ټول هېواد کې یو زرو شپږ سوه اته اتیا عملیاتونه کړي چې تر یو سلو دولس زرو ټنو زیات نشهيي مواد یې نیولي او د دې موادو د پروسس یو زیات شمېر لابراتورونه یې لهمنځه وړي دي. "
تر دې مخکې د دوشنبې په ورځ په کابل کې د نشهيي موادو پرضد د مبارزې وزارت هم منلې وه چې په افغانستان کې په وروستیو کې د نشهيي موادو تولید او کارول زیات شوي دي.