د مقدونیه ولسمشر د دې هېواد د نوم بدلون غیرقانوني بللی
د مقدونیه دولتي خبري اژانس د سې شنبې په ورځ د ایوانف له خولې په یو بیان کې وویل چې نوموړي د داسې یو توافق د لاسلیک اختیار نهلري.
دا توافق د یونان سره د نوم په سر د مقدونیه ۲۷ کلنه شخړه پای ته رسوي او په اروپايي ټولنه او ناټو کې د مقدونیا د غړیتوب لپاره خبرو اترو ته لاره هواروي.
د مقدونیه د پارلمان غړو د جون په شلمه نېټه، په شمالي مقدونیه کې د دې هېواد د نوم د بدلون په پلوۍ یوه طرحه تصویب کړه.
د مقدونیه ولسمشر تر دې مخکې هم ویلي و چې دا تړون به لاسلیک نهکړي، خو د نوموړي لهخوا د دې تړون نه لاسلیکول ښايي دا توافق ځکه زیانمن کړي چې د دې هېواد پارلمان به د دوهم ځل لپاره دا توافق تصویب کړي چې په هغه صورت کې یې ولسمشر نهشي مانع کیدلی.
د مقدونیه د نوم پر بدلون به پهدې هېواد کې عامه ټولپوښتنه هم کېږي، چېرې چې د دې نوم د بدلون مخالفینو لا دمخه اعتراضونه پیل کړي دي.