د ایران جنوب ختیځ کې ۳ ایراني سرتېري او ۳ وسله وال وژل شوي
راپورونه وايي چې نښته د سیستان – بلوچستان ایالت په میرجاویه سیمه کې د یکشنبې د ورځې ناوخته شوې ده.
د ایران سپاه پاسداران ځواک وايي، د دوی ځمکنیو ځواکونو د ترهګرو هغه ډله وژلې چې ایران ته یې د ننوتلو هڅه کوله.
په سیمه کې د جېشالعدل په نوم یوې سُنې وسلهوالې ډلې ادعا کړې چې وسلهوالو یې۱۱ تنه ایراني امنیتي سرتېري وژلي دي.
د مرګ ژوبلې په اړه دا ادعاوې په خپلواکه توګه نهدي تأیید شوي.
په سیستان – بلوچستان ایالت کې ایراني امینتي ځواکو ډېره کله له وسلهوالو او د نشهيي موادو له قاچاقبرو سره په نښتو اوړي.
دا ایالت د افغانستان څخه د اپیمو او هیروئینو د قاچاق په لاره کې پروت دی،همدارنګه پهدې ایالت چې اکثریت وګړي یې سُني دي یو شمېر وسلهوالې ډلې هم فعالې دي.