د افغانستان او عمان ترمنځ د فوټبال تمریناتي لوبه عمان وګټله
دا لوبه چې تېره شپه اته بجې په عمان کې ترسره شوه عمان ۴ خو افغان لوبډلې یو ګول وواهه.
د افغانستان د فوټبال فدراسیون د مطبوعاتو امر شفیع شاداب ازادي راډيوته وویل، دا سیالۍ د مرکزي اسیا او اسیا د ۱۶ کلنو ځوانانو فوټبال سیالیو ته د لا چمتوالي په خاطر ترسره کېږي.
د افغانستان، ازبکستان، ترکمنستان او قزاقستان ترمنځ د روانې سرطان میاشتې په ۱۴مه نېټه یو ټورنامنټ پیلېږي او له هغې وروسته افغان لوبډله په مالیزیا کې د اسیايي جام په اتلولي کې برخه اخلي.