۲۰۹ شاهین قل اردو په فاریاب کې د سرتېرو د وژنې راپورونه رد کړل
د افغانستان په شمال کې ۲۰۹ شاهین قل اردو د فاریاب ولایت د محلي رسنیو دا راپورونه رد کړل چې ګواګې د دولت ضد وسله والو په یوه برید کې درې سرتېري وژل شوي او یو شمېر نور نیول شوي دي.
تر دې مخکې له فاریاب ولایته په ورکړل شویو راپورونو کې ویل شوي وو چې د جوزجان - میمنې ترمنځ په لویه لاره کې وسله والو پر یوې امنیتي پوستې حمله کړې ده چې په نتیجه کې یې ۳ سرتېري وژل شوي او ۱۷ نور ژوندي نیول شوي دي.
د شاهین قل اردو ویاند محمد حنیف رضايي په دغې سیمه کې جګړه تأيیدوي، خو افغان ځواکونو ته مرګ ژوبله نه مني.