ایران له پاکستانه د ځينو تندلارو ډلو ځپل غوښتي
دا برید د فبرورۍ پر ۱۳مه د سېستان بلوچستان په ایالت کې وشو چې په ترڅ کې یې ۲۷ تنه د ایران د سپاه پاسداران ځواکونه ووژل شول.
د ایران دولتي رسنیو نن شنبه راپور ورکړی چې د سپاه پاسداران قوماندان محمد علي جعفري ویلي، که پاکستان په دې برخه کې خپل مسؤلیت ادا نه کړي، ایران مجبور دی چې ترورېستانو ته په خپله سزا ورکړي.
سني تندلارې ډلې جیش العدل د هغه برید مسؤلیت منلی و.
د ایران حکومت اسلام اباد تورنوي چې په خپله خاوره کې یې جیش العدل ته ځای ورکړی او له پاکستانه یې غوښتي چې د دواړو هېوادونو تر منځ د پولې امنیت ټینګ کړي.