په دُبۍ کې افغان سوداګرو له بهرنیو سره قراردادونه لاسلیک کړل
د افغانستان د کرنې، اوبو لګولو او مالدارۍ وزارت پر فیسبوک پاڼه راغلي چې دغه قراردادونه د افغان او بهرنیو سوداګرو ترمنځ په ځانګړي ډول د زعفرانو او وچې میوې په برخه کې شوي دي.
د دغه وزارت ویاند اکبر رستمي د دې نندارتون په لومړۍ ورځ ویلي و چې تمه ده د دې نندارتون په ترڅ کې د افغان او بهرنیو سوداګرو ترمنځ د پنځوس میلیونه ډالرو په ارزښت قراردادونه لاسلیک شي.
افغان سوداګرو پهدې نندارتون کې ۲۸ غرفې لري او بېلابېل خوراکي مواد لکه وچه میوه، زعفران او لبنیات یې نندارې ته ایښي دي.
دا نندارتون پنځه ورځنی دی.