یوه امریکایۍ بې پیلوټه ډراګون فضایي بېړۍ له فضایي اډې سره یوځای شوه
امریکایۍ سپیس ایکس بې پیلوټه ډراګون فضایي بېړۍ چې د دوشنبې په ورځ د فالکون ۹ توغندي په زریعه له فلوریډا د ناسا له کیندي فضایي مرکزه توغول شوې وه، نن په بریالیتوب له نړیوالې فضایي اډې سره ونښته.
په دې سره د ایلون مسک Elon Musk امریکایي کمپنۍ هغه هدف ته چې غواړي افراد فضا ته واستوي، یو ګام ورنږدې شوه.
دغه بې پیلوټه ماموریت یوه ازموینه ده چې ایا په راتلونکې کې کولای شي چې په دغو فضایي بېړیو کې فضا ته انسانان واستوي که نه؟
له دې مخکې دغې کمپنۍ فضایي اډې ته پر وسایلو او خوراکي موادو بار بېړۍ استولې ده.