روسیه کې د میخائیل ابیزوف خلاف جنايي قضیه پیل شوې
میخائیل ابیزوف په سایبریا کې د انرژۍ د یو عرضه کوونکي شرکت څخه د ۶۲ میلیونو ډالرو په اختلاس تورن شوی دی.
د روسیې د څېړنو کمېټې د سې شنبې په ورځ «۱۳۹۸ کال د وري ۰۶» وویل، ابيزوف د فډرالي امنیتي ځواکونو لهخوا نیول شوی دی.
د تحقیق کوونکو په باور، دې پخواني وزیر پنځه شریکان هم درلودل چې پیسېیې پټولی او هغهیې له روسیې څخه بهر ته استولې.
د کرملین ویاند ډمیټري پسکوف ویلي چې ولسمشر ولادیمیر پوتین د میخائیل ابیزوف په اړه د نوموړې تر نیول کېدو مخکې راپور تر لاسه کړی و.
ابیزوف ۴۶ کلن دی او د ۲۰۱۲ میلادي کال څخه تر ۲۰۱۸ میلادي کال پورې د روسیې د کابینې غړی و.
نوموړي د معلوماتي ټکنالوژۍ د پرمختګونو او په حکومتي کارونو کې د شفافیت د هڅو څارنه کوله.