د پاکستان صدراعظم عمران خان راتلونکې اوونۍ چین ته ځي
چین د دغې پروژې په ترڅ کې په پاکستان کې د سړکونو او له نړۍ سره د سوداګرۍ د بحري لارو د رغولو په هدف له دې هېواد سره د شاوخوا ۶۰ میلیارډه ډالرو پور او پانګونې ژمنه کړې ده.
په پیکنګ کې د دغې پروژې په اړه لویه غونډه کې چې د اپریل له ۲۶مې تر۲۷ مې پورې جوړیږي، د روسیې د ولسمشر ولادیمیر پوتین په ګډون د نړۍ د لسګونو هېوادونو مشران ګډون کوي.
د پاکستان د بهرنیو چارو وزرات په یوه بیان کې چې پرون یې خپور کړی ویلي چې عمران خان به پهدې غونډه کې پر ګډون سربېره د چین له ولسمشر شي جین پینګ او صدراعظم لیکیکانګ سره دوه اړخېزې غونډې هم ولري.
د بیان له مخې دواړه خواوې به د همکارۍ د پیاوړتیا لپاره یو شمېر تړونونه لاسلیک کړي او عمران خان به هم د سوداګرۍ د چارو له یو شمېر مشرانو سره وګوري.