په پرتګال کې د یوه بس د نسکورېدو پېښې ۲۸ کسان وژلي
د پرتګال چارواکي وایي، دا پېښه د اپریل په ۱۷مه په مادیرا ټاپو کې شوې او ډېری قربانیان یې جرمني سیلانیان وو.
د سیمې ښاروال فیلیپ سوسا زیاتوي پهدې بس کې ۵۵ کسان سپاره وو چې د غره په لمنه کې له عمومي لارې منحرف او لاندې ښوئیدلی دی.
د سیمي اوسیدونکي وایي چې د پېښې پرمهال هوا سمه وه او وایي، دا پېښه مازدیګر مهال شوې ده.
چارواکي وایي، د پېښې د علت په اړه تحقیقات کوي.
مادیرا د اروپایي وګړو لپاره یو مشهور تفریحي ځای دی.