د تکواندو سیالۍ د هرات د نجونو د لوبډلې په بریا پای ته ورسېدې
د دې فدراسیون رئیس نجیبالله سکندر نن د پنجشنبې په ورځ «۱۳۹۸ کال د وري ۲۹» ازادي راډيو ته وویل چې دغه سیالۍ د افغانستان د بېلابېلو ولایتونو او په پاکستان او ایران کې د مېشتو مهاجرینو د ۱۰ لوبډلو ترمنځ په کابل کې پیل شوې وې.
نوموړی وايي چې دغه سیالۍ د تکواندو ملي لوبډلې ته د نویو لوبغاړو د موندلو په هدف پیل شوي چې په نتیجه کې هرات لومړی، کابل دوهم او په ایران کې د مېشتو افغان مهاجرینو لوبډلې درېیم مقام خپل کړ.