Новости за 09.11.2018

د جرمني حکومت د کابل له پولیسو سره د ۱۰۰۰ زغره لرونکو واسکټونو مرسته کړې ده. د کابل امنیه قوماندان جنرال سید محمد روشندل ازادي راډیو ته وویل، دا زغره لرونکي واسکټونه پرون دوی ته وسپارل شول. ښاغلي روشندل زیاته کړه: "دوست هېواد جرمني موږ ته زر واسکټونه چې په تظاهراتو کې به پولیس استفاده ترې کوي مرسته کړې ده." جنرال روشندل د جرمني دا مرسته د کابل د پولیسو د ساتنې لپاره خورا اغېزمنه بولي او وايي چې د عامه امن او نظم پولیس او د چټک غبرګون د قطعو سرتېري به له هغو څخه کار واخلي.

په کندز ولایت کې د غالیو اوبدلو د صنعتي ښارګوټي د رغونې چارې پرون پنجشنبې رسماً پیل شوې. د کندز والي عبدالجبار نعیمي وايي، د دې ښارګوتي د رغونې چارې د ښاري پراختیا وزارت ډیزاین کړي او تمویلوي یې. ښاغلي نعیمي زیاته کړه چې دا پروژه به په ۳ پړاوونو کې بشپړه شي: "د غالۍ اوبدونکو ښارګوټی مو د عسقلان په سیمه کې پرانېست. دا ښارګوټی درې پړاوونه لري چې لومړی یې نن پیل شو او تقریباً ۴۴ میلیونه افغانۍ لګښت به پرې راشي." د کندز والي وویل چې د کندز د غالی اوبدونکو په ښارګوټي کې د استوګنې ودانۍ هم په پام کې نیول شوي دي. Читать дальше...

د افغانستان د سولې لپاره د امریکا خاص استازي زلمی خلیلزاد افغانستان، پاکستان، قطر او متحده عربي اماراتو ته خپل سفر بیا پیل کړی دی. د امریکا د بهرنیو چارو وزارت تېر ماښام په یوه بیان کې وویل چې ښاغلی خلیلزاد به د روانې نوومبر میاشتې تر شلمې نېټې د افغان حکومت له چارواکو او د نورو اړخونو له استازو سره وګوري، څو د افغانانو په مشرۍ د سولې د خبرو پرمختګ ته لاره اواره شي. متحد ایالات له څو کلونو راهیسې هڅه کوي چې طالبان د جګړې د ختمولو په مقصد خبرو ته وهڅوي. طالبانو هم د افغانستان د حکومت پرځای له... Читать дальше...

د افغانستان د انتخاباتو خپلواک کمېسیون وايي، د ولسمشرۍ د انتخاباتو مهالوېش به نن یا د شنبې په ورځ اعلان کړي. د دې کمېسیون ویاند او غړی سیدحفیظ الله هاشمي له ازادي راډيو سره په خبرو کې په دې اړه خبرې وکړې: "د جمهوري ریاست د انتخاباتو لپاره د مهالوېش مسوده چمتو شوې ده. همدا چې د کمېسیون له خوا تصویب شي یا به یې نن او یا سبا د افغانستان خلکو ته رسماً اعلان کړو." د انتخاباتو خپلواک کمېسیون مخکې ویلي و چې د جمهوري ریاست انتخابات به د ۱۳۹۸ کال د وري په ۳۱مه نېټه ترسره شي. د دې کمېسیون مرستیالې... Читать дальше...

په افغانستان کې د سولې په اړه د بحث لپاره د روسیې په کوربه توب دا غونډه نن د جمعې په ورځ په مسکو کې جوړېږي.

د یمن لپاره د ملګرو ملتونو ځانګړي استازي د سولې خبرو ته د یمن د جګړې د ښکېلو ډلو د حاضرولو مهلت د روانې میاشتې د پای پر ځای د روان کال تر پایه پورې وغځاوه.

د کاسوو او صربیا ولسمشرانو د دواړو هېوادونو د اړیکو د عادي کېدو لپاره د اروپايي ټولنې په منځګړتوب پرون په بروکسل کې سره وکتل. د اروپايي ټولنې د بهرنۍ پالیسۍ مشرې فدریکا موګیریني د صربیا د ولسمشر الکساندر ووچیچ او د کاسوو د ولسمشر هاشم تاچي ترمنځ د دې غونډې کوربنه وه او دا په داسې حال کې ده چې د دواړو هېوادونو اړیکې د پریستینا د هغې پریکړې له کبله چې د صربیا پر محصولاتو یې ګمرکې تعرفې وضع کړي لانجمن شوي. د بروکسل له کتنې وروسته چې له یو ساعت څخه کم وخت یې ونیبیو، مېرمن موګیریني وویل، دوی پریکړه... Читать дальше...

د امریکا د انرژۍ وزیر وايي، دا امکان لا هم شته چې واشنګټن به د بالتیک بحیرې تر اوبو لاندې د روسیې او جرمني ترمنځ د طبیعي ګاز د پایپ لاین د رغونې پر پروژه بندیزونه ولګوي. ریک پېري د پنجشنبې په ورځ له وارسا څخه د کتنې پر مهال خبریالانو ته وویل، دی داسې نښې نښانې نه ویني چې امریکا به کله هم د نارد سټریم دوه Nord Stream 2 په نوم د دې پایپ لاین ملاتړ وکړي. مسکو د ۱۲۳۰ کیلومترو په اوږدوالي د دې پروژې د رغونې ملاتړ کوي. متحد ایالات، پولند، د بالتیک هېوادونه او د اروپايي ټولنې ځینې هېوادونه له دې کبله... Читать дальше...

امریکا د اوکراین د کریمیا ټاپو د اشغال او د اوکراین په ختیځ کې د روس پلوو بیلتونپالو د ملاتړ له کبله پرون پر روسیې د مالي بندیزونو نوې لړۍ اعلان کړه چې په ترڅ کې یې د روسیې ۳ وګړي او ۹ موسسې په نښه شوي دي. د اوکراین لپاره د واشنګټن ځانګړی استازی کورټ وولکر وايي، په دې ډله کې هغه افراد او موسسې شاملې دي چې د روسیې په قلمرو کې د اوکراین د کریمیا ټاپو د ادغام په برخه کې یې له مسکو سره مرسته کوله. ښاغلي وولکر پرون له خبریالانو سره په ټیلیفوني مرکه کې پر هغو عواملو رڼا واچوله چې دا موسسې او افراد یې د امریکا په بندیزونو کې شامل کړل. Читать дальше...

هغه کمپیوټر لرونکي ځوانان چې د غزني ښار په بېلابېلو برخو کې ناست او د خپلو مشتریانو موبایلونو، میموريګانو او کمپیوټرانو...

د نوومبر پر ۲۸مه د افغانستان لپاره د ژینو نړیوال کنفرانس ترسره کېږي. د وزیرانو په سطح دې غونډه کې به افغانستان په بېلابېلو...