رستمي: ۴ ولایتونو کې د پستې ۱۴۰۰۰نیالګي ویشو
د افغانستان د کرنې او مالدارۍ وزارت د بڼوالو د اقتصاد د پیاوړتیا په هدف د افغانستان د شمال زون په څلورو ولایتونو کې د پستې ۱۴۰۰۰ نیالګي ویشي.
د دغه وزارت ویاند اکبر رستمي نن ازادي راډیو ته وویل چې دا نیالګي په بلخ، سرپل، جوزجان او سمنګانو ولایت کې په بڼوالو ویشل کېږي:
"به تېرو درې څلور کلونو کې د کرنې وزارت یو پروګرام د پستې د بڼونو جوړول وه چې په ۱۴۰ ولسوالیو کې یې نتیجه ورکړې ده، په تېره کې د پستې بڼونونه په وحشي ډول موجود وه، خو اوس دغه وزارت د پستې په بڼونو کار پیل کړی او نتیجه یې هم ورکړې ده."
د ښاغلي رستمي په خبره، د افغانستان د کرنې او مالدارۍ وزارت تر اوسه په ۲۹ زره جریبه ځمکه کې د پستې بڼونو جوړ کړي چې لس زره جریبه یې د دغه هیواد په شمال کې دي.