جنوبي کوریا: شمالي کوریا له خپلو ختیځو سمندر غاړو یو بالستیک توغندی توغولی
د جنوبي کوریا پوځ وایي، شمالي کوریا نن له خپلو ختیځو سمندر غاړو څخه یو بالستیک توغندی توغولی دی. د توغندي د واټن او نورو جزییاتو په اړه سملاسي معلومات نه دي ورکړل شوي. تر دې دوه ورځې وړاندې شمالي کوریا له یوه اوبتل څخه دوه کروز توغندي په ازمایښتي ډول توغولي وو. شمالي کوریا دا پوځي اقدامات داسې مهال کوي چې امریکا او جنوبي کوریا پرون دوشنبه له څو کلونو راهیسې تر ټولو پیاوړي ګډ ۱۱ ورځنې پوځي تمرینات پيل کړل.