Новости за 13.04.2023

انډیپینډنټ: له بریتانیا خپرېدونکې انډیپینډنټ ورځپاڼې د خپل هغه کمپاین په اړه لیکنه خپره کړې چې دغه هېواد کې د افغان پناه غوښتونکو د منلو د ملاتړ په خاطر یې پيل کړی دی. ورځپاڼې په خپلې تازه ګڼه کې لیکلي، د پوځي مشرانو نیولې او سیاسي رهبرانو په ګډون ۵۰ زره کسان د دوی د کمپاین ملاتړ کوي. دوی دغه کمپاین وروسته له هغه پیل کړ چې بریتانیا وویل، هغه افغانان چې په ناقانونه توګه دغه هېواد ته ننوتلي دي، رونډا ته لېږي. بریتانیایي چارواکي وايي، رونډا د کډوالو د استولو لپاره خوندي ځای دی او د دوی قاضیانو هم دا خوندیتوب تایید کړی دی. Читать дальше...

د امریکا دفاع وزیر لویډ اوسټین د اوکراین له صدراعظم دنیز شمیهال سره په کتنه کې د روسیې د یرغل پر وړاندې له اوکراین څخه د متحدوایالتونو پر ملاتړ ټینګار کړی. دې چارواکو پرون په پنټاګون کې سره وکتل. د پنټاګون ویاند پټ رایډر په یوه بیان کې ویلي، اوسټین او شمیهال د امنیتي لومړیتوبونو، له هغې ډلې د اوکراین د هوایي مدافعې او توپچي او د اوکرایني ځواکونو د روزنې په اړه بحث وکړ. دا کتنه داسې مهال کېږي چې اوکرایني ځواکونه د ختیځ بخموت ښار دفاع ته دوام ورکوي او د له لاسه تللو سیمو د بېرته نیولو عملیاتو ته تیاري نیسي.

د پیسو نړیوال صندوق اټکل کړی چې، د پاکستان کمزوری اقتصاد به سږکال یوازې نیم سلنه وده وکړي. په ۲۰۲۲ کې د پاکستان اقتصادي وده ۶ سلنه وه. اسوشیتید پریس خبري اژانس د پیسو د نړیوال صندوق د نوي راپور له مخې چې پرون خپور شو خبر ورکوي چې، په ۲۰۲۳ کال کې به د پاکستان تورم ۲۷ سلنه وي او اټکل کوي چې د بې‌کارۍ کچه به هم لوړه شي. پاکستان ته تېرکال د درنو سېلابونو په نتیجه کې شاوخوا دېرش میلیارد ډالره زیان واوښت او په عین حال کې د خپلو پورونو د نه پرې کولو له کبله له ستونزو سره مخامخ دی. پروسږنیو سېلابونو له ۱۷ سوو زیات کسان هم مړه کړل.

د خوړو نړیوال پروګرام ډبلیو‌اف‌پي یو ځل بیا خبرداری ورکړی چې، که هغه ۸۰۰ میلیون ډالر چې د ملګروملتونو دې ادارې له نړیوالو غوښتي ترلاسه نه‌کړي نو د افغانستان بې‌وزلي خلک به له سختو ستونزو سره مخامخ شي. د خوړو نړيوال پروګرام وياند وحیدالله اماني بېګا ناوخته ازادي راډیو ته په دې اړه وویل: "د راتلونکو شپږو میاشتو لپاره موږ ۸۰۰ میلیون ډالرو ته اړتیا لرو. که دا ۸۰۰ میلیون ډالر زموږ په واک کې رانه‌کړل شي نو له سختو ستونزو سره به لاس او ګرېوان یو او ښايي د افغانستان د خلکو بشري وضعیت تر دې هم خراب شي."... Читать дальше...

د افغانستان لپاره د جاپان سفیر تاکاشي اوکادا د طالبانو د حکومت د بهرنیو چارو له وزیر امیرخان متقي سره په کتنه کې د ملګروملتونو په دفترونو کې د افغان ښځو پر کار د بندیز له کبله ژوره اندېښنه څرګنده کړې. په کابل کې د جاپان سفارت بېګا ناوخته پر خپل ټویټر لیکلي، ښاغلي اوکادا د طالبانو پر حکومت غږ کړی چې خپله دا پرېکړه بدله کړي. د طالبانو د حکومت د بهرنیو چارو وزارت ویاند عبدالقهار بلخي د دې کتنې په اړه پرون پر ټویټر ولیکل، د جاپان سفیر ویلي، هېواد یې د نظر له توپیر سره سره له افغان چارواکو سره تعامل... Читать дальше...

د طالبانو حکومت ادعا کوي چې تېره شپه یې یو ځل بیا د پوځي عملیاتو په ترڅ کې د اسلامي دولت ډلې یا داعش یو مرکز له منځه وړی دی. د طالبانو د حکومت ویاند ذبیح‌الله مجاهد تېره شپه ناوخته پر ټویټر په یو بیان کې ویلي دي، دا عملیات د طالبانو ځانګړو ځواکونو د کابل د اتمې ناحیې په سیدنور محمدشاه مېنه کې د ده په وینا د شریرو کړیو پر پټن‌ځای ترسره کړل. ښاغلي مجاهد لیکلي چې، په دې عملیاتو کې دوه تنه وژل شوي او پټن‌ځای یې له منځه وړل شوی دی. د طالبانو حکومت په دې وروستیو کې په پلازمېنه کابل او یو شمېر ولایتونو کې د داعش ډلې پر مرکزونو حملو ته زور ورکړی.

تهران ته د سعودي عربستان د یوه پلاوي له سفر څو ورځې وروسته له ایران څخه هم یو پلاوی ریاض ته ولاړ. دا تګ راتګ وروسته له هغه پیل شو چې د دواړو هېوادونو د بهرنیوچارو وزیرانو په چین کې تاریخي کتنه وکړه او سیمې ته یې د ثبات د راوستو ژمنه وکړه. د ایران د بهرنیو چارو وزارت ویاند ناصر کنعاني ویلي چې، د ایران یو تخنیکي ټیم د ډيپلوماتیکو اړیکو د بیا په اړه له سعودي عربستان سره د شوې موافقې په اساس پرون چهارشنبې ریاض ته ورسېد. کنعاني په یوه بیان کې ویلي، ایرانی پلاوی به په ریاض کې د ایران د سفارت او... Читать дальше...

د افغانستان د شپږو ګاونډیانو هېوادونو چین، پاکستان، ایران، تاجکستان، ترکمنستان، ازبکستان او روسیې جګپوړي ډيپلوماتان به نن د ازبکستان په تاریخي ښار سمرقند کې د افغانستان په اړه په ۲ ورځنۍ غونډه کې خبرې وکړي. په دې غونډه کې به په بهرنیوچارو کې د پاکستان د دولت وزیره حنا رباني کهر او د چین د بهرنیوچارو وزیر قین ګانګ د خپلو هېوادونو استازیتوب وکړي. د پاکستان د بهرنیوچارو وزارت ویاندې ممتاز زهرا بلوچ پرون په یوه خبرپاڼه کې د سمرقند غونډې ته د اشارې په ترڅ کې وویل، دا غونډه به د افغانستان د ګاونډیو... Читать дальше...