Новости за 24.07.2023

د ملګروملتونو سرمنشي انتونیو ګوتېریش نن له روسیې وغوښتل چې د اوکراین د غلې د صادراتو تړون بیا وغځوي. د ملګروملتونو او ترکیې په منځګړتوب دا تړون د تور سمندرګي له لارې نورې نړۍ ته د اوکراین د غلې دانې صادراتو ته اجازه ورکوي. ګوتېریش چې په روم کې د خوړو د صادراتو د سیسټم په درې ورځنۍ سرمشریزه کې خبرې کولې وویل:د دې موافقې د لغو کېدو معنا دا ده چې د لوړو بیو تاوان به تر ټولو زیانګالي خلک پرې کوي. سرمنشي زیاته کړه، د غنمو او جوارو بیې لا له اوسه په لوړېدو دي. ګوتېریش دا څرګندونې څوساعته وروسته له... Читать дальше...

د ماشومانو لپاره د ملګروملتونو د مرستې صندوق یونیسیف وايي، په سوډان کې د درې میاشتنې کړکېچ له پیله تراوسه لږترلږه ۴۳۵ ماشومان وژل شوي او له ۲ زرو زیات نور ټپیان دي. د یونیسیف د اجراییه رییس مرستیال تید چایبان Ted Chaibanنن (د جولای ۲۴مه) وویل، په تېرو سلو ورځو کې پر ماشومانو د سوډان د کړکېچ اغېز د هېرېدو نه دی. یوینسیف په یوه بیان کې ویلي دي چې تراوسه یې د دوه نیم زره ماشومانو د بشري حقونو د سرغړونو راپورونه ترلاسه کړي دي، خو د بیان له مخې اصلي شمېرې ښايي تردې ډېرې زیاتې وي. د کډوالو لپاره... Читать дальше...

په پاکستان کې د دوو افغان پناه غوښتونکو له ځان وژنې وروسته، هغلته د مېشتو افغان کډوالو شورا وايي، د کډوالو په چارو کې د ملګرو ملتونو عالي کمېشنري او هغه هېوادونه چې افغان پناغوښتونکو د پنا غوښتنه ترې کړې، ژر تر ژره دې په پاکستان کې د افغان پناغوښتونکو د ستونزو د حل په اړه اقدام وکړي.  د دې شورا مرستیالې ثریا صبیر د دوشنبې په ورځ په اسلام اباد کې یوې خبري غونډې ته په وینا په کې پاکستان کې د افغان کډوالو او پنا غوښتونکو وضعېت د اندېښنې وړ وباله او د ټولو هغو هېوادونو څخه چې د پنا غوښتنې د کېسونو په برخه کې ښکېل دي، وغوښتل چې د دوی غږ دې واوري. Читать дальше...

د ښځینه فوټبال نړیوال جام په ترڅ کې نن هم درې سیالۍ ترسره شوې چې ایټالیا، جرمني او برازیل خپلو سیالانو ته پکې ماتې ورکړې. د ورځې لومړۍ سیالي ایټالیا او ارجنټاین ترسره کړه چې یو د صفر پر وړاندې ایټالیا وګټله. په دوېمې سیالۍ کې جرمني د ۶ ګولونو په توپیر مراکو ته ماتې ورکړه، د مراکو لوبغاړې د لوبې تر پایه په ګول وهلو بریالۍ نه شوې. د F ګروپ د نن ورځې وروستۍ سیالي بیا د برازیل او پانامه هېواد ترمنځ وه چې برازیلۍ لوبډلې ۴ د صفر په مقابل کې وګټله.  د دغه نړیوال جام په ترڅ کې به سبا هم درې سیالۍ... Читать дальше...

په کابل کې د پنځو لوبډلو ترمنځ د «کابل غوره لیګ» تر نامه لاندې سوداګریزې شل اوریزې سیالۍ پیل شوې. دغه سیالۍ چې نن یې پیلیزه لوبه د پامیرسټارز او شاهین هنټرز لوبډلو ترمنځ وه، د ایوبي سپورټس کمپلکس له لوري په ایوبي لوبغالي کې پیل شوي دي. په لومړۍ سیالۍ کې پامير لوبډلې وکړای شول چې د ۴ وېکټو په توپیر شاهین لوبډلې ته ماتې ورکړي. د دې سیالیو مسولین وايي، د لیګ ټولې لوبډلې یې پلورلې دي او لوبغاړي هم د ډرافټ په پروسه کې اخیستل شوي دي. په دې لیګ کې د پامیرسټارز، شاهین هنټرز، شمشاد ایګلز، کټوازي اباسین او د کابل زلمي لوبډلې برخه لري. Читать дальше...

د مرکزي اسیا د فوټسال د سیالیو په ترڅ کې د افغانستان ملي لوبډلې ۴ د ۳ پر وړاندې د ازبکستان ملي لوبډلې ته ماتې ورکړه. دا په روانو سیالیو کې د افغان لوبډلې پرله پسې دویمه بریا ده. افغان لوبډلې پخپله لومړۍ سیالۍ کې قرغیزستان ته ۵ د ۴ پر وړاندې ماتې ورکړې وه. د ازبکستان پر وړاندې سیالي نن د کابل پر وخت ۴:۳۰ بجې په تاجکستان هېواد کې پیل شوې وه، چې د لوبې په وروستۍ شېبه کې افغان لوبډلې د څلورم ګول په وهلو سره وګټله. د ویلو ده، چې افغان لوبډله به خپلې راتلونکې سیالۍ له ایران، تاجکستان او ترکمنستان هېوادونو سره ترسره کوي.

سبا په کابل او ولایتونو کې د طالبانو د حکومت له خوا د ښځینه سینګارتونونو د تړلو لپاره وروستۍ ورکړل شوې ورځ ده. د طالبانو د حکومت د امربالمعروف او نهی عن المنکر وزارت له خوا د صادر شوي فرمان له مخې،سینګار ګرې باید د اسد له درېیمې نېټې څخه خپل سینګارتونونه وتړي. د دغو سینګارګرو له ډلې څخه یو شمېر یې ازادي راډیو ته وویل، که سینګارتونونه یې وتړل شي بل کوم کار نه لري، او اندېښمنې دي چې تر دې ورسته به ژوند څنګه مخته وړي ؟ د دوی له ډلې یوه هم ندا، د کابل په نوي ښار کې د یوه سینګارتون خاونده ده. ... Читать дальше...

سپريم کورټ په پوځي عدالتونو کې د ولسي وګړو ضد د مقدمو اورېدو په اړه کومه فیصله لا نه ده کړې خو اورېدونو یې د هغو ولسي وګړو کورنۍ خوشبينه کړي دي چې وار له مخه ورته پوځي عدالتونو سزاګانې اورولې دي.

ایراني رسنیو خبر ورکړی، چې د کورنیو چارو وزارت یې په کرمانشاه ولایت کې د یوه لنډ مهاله ضرب الاجل له ټاکلو سره، د مېشتو افغانانو پر اوسېدو او کار کولو بندیز لګولی. د ایران مهر خبري اژانس په کرمانشاه کې د ایراني دولتي چارواکو له قوله راپور ورکړی چې، په دغه ولایت کې د افغانانو د راټولېدلو او نیولو لپاره ۱۳ ورځې ضرب الاجل ټاکل شوی. سرچینه زیاتوي، چې دغه ضرب الاحل د سرطان میاشتې له ۲۸مې پیل او د اسد میاشتې په لسمه پای ته رسېږي. د یاد شوي راپور په یوه برخه کې، په کرمانشاه کې د بهرنیو اتباعو او کډوالو... Читать дальше...

د روسیې په پلازمېنه مسکو کې نن دوه بې پیلوټه الوتکې له ودانیو سره لګیدلي دي. له نږدې دوو میاشتو راهیسې دا دویم ځل دی، چې د روسیې پلازمېنه مسکو د بې پيلوټه الوتکو د بریدونو شاهد دی. په تازه پیښه کې نن " دوشنبه د جولای ۲۴مه" سهار وختي دوه بې پیلوټه الوتکې په مسکو کې له ودانیو سره ولګېدې. تاس خبري اژانس د بیړنیو خدمتونو د معلوماتو له مخې لیکلي، چې د یوې الوتکې ټوټې د مرکزي مسکو په کومسومولسکي واټ کې موندل شوي دي. دغه ځای د دفاع وزارت له ودانۍ سره شاوخوا دوه کیلو متره واټن لري. تاس لیکلي، چې... Читать дальше...

د ملګرو ملتونو د خوړو او کرنې ادارې (FAO) په خپل تازه راپور کې ویلي دي چې د اقلیمي، سیاسي او اقتصادي ننګونو له امله په هر ۵ افغانانو کې ۲ یې د خوړو د شدیدې ناامنۍ له لوړې کچې سره مخ دي. د دې ادارې د اټکل له مخې، د افغانستان د نفوس په درېو کې دوې برخې بیا بشري مرستو اړتیا لري چې دا کچه د ۲۰۲۱ کال په پرتله ۵۴ سلنه لوړوالی ښيي.   د خوړو او کرنې ادارې په راپور کې چې د جولای په ۲۳ مه خپور شوی، ویل شوي دي چې په افغانستان کې ۸۰ سلنه کورنۍ خپل خواړه او عواید له کرکیلې پیدا کوي، خو په خبره یې د وچکالۍ او سخت ژمي له وجې بزګران هم ډېر زیانمن شوي. Читать дальше...

په افغانستان کې د موسمي بارانونو په پایله کې راوتلو سېلابونو ۳۳ تنه وژلي او لسګونه کسان نادرکه دي.

د چمن د لېویز ځواک رسالدار مېجر جهانګیر خان مشال راډیو ته وویل چې سرتېری سمیع الله له خپلو نورو ملګرو سره د یو کس د ګرفتارۍ لپاره د هغه کور مخې ته ولاړ وو چې وسلوالو ورباندې ډزې وکړې. دی زیاتوي، له لومړنیو پلټنو ښکاري چې هغه "یو ترهګر برید" وو.

په پاکستان کې سېلابونو ۱۵ کسان وژلي او چارواکو خبرداری ورکړی چې د خیبر پښتونخوا په ځينو ځايونو کې د ځمکې ښوويېدو امکان دی. په پاکستان کې د قدرتي افتونو د نظم وفاقي او صوبايي ادارو ويلي چې له تېرو دريوو ورځو راهیسې د بارانونو له امله سېلابونه راوتلي چې ځاني او مالي زیانونه یې اړولي دي. هغو ادارو مشال راډيو ته په لېږدولیو معلوماتو کې ويلي چې ۹ کسان په خیبر پښتونخوا او ۶ په بلوچستان کې وژل شوي دي.  په خیبر پښتونخوا کې د یادې ادارې ویاند انور شهزاد د جولای پر ۲۴مه، مشال راډیو ته وویل چې دوی وار له مخه ولس ته خبرداری ورکړی دی. Читать дальше...

پېښو ته د رسېدو په چارو کې د طالبانو د دولت وزارت وايي، د وروستیو سېلابونو له کبله په ټول افغانستان کې نږدې سل کسان مړه او ټپیان شوي دي. د دې وزارت ویاند شفیع‌الله رحیمي نن په یو ویډیويي پیغام کې وویل، دا مرګژوبله او مالي زیانونه د چنګاښ له ۲۹مې څخه د زمري تر دویمې پورې د هېواد په اتو ولایتونو کې اوښتي دي. رحیمي وايي: "د هېواد په اتو ولایتونو- میدان وردګو، کابل، خوست، پکتیا، ننګرهار، کونړ، نورستان او غزني کې اته دېرش کسان شهیدان، ۵۷ تنه ټپیان او دوه تنه نور تري تم دي. له ۹۰۰ زیات کورونه یا پوره... Читать дальше...

د اندونیزیا د سولاوسي ټاپو سواحلو ته نږدې د لرګي د یوې وړې بېړۍ د ډوبېدو په پېښه کې لږ تر لږه ۱۵ تنه مړه شوي. د فرانس پرېس خبري اژانس د راپور له مخې د اندونیزیا د پلټنې او ژغورنې چارواکو دغه شمېرې اعلان کړي دي. دغې اداره په یوه اعلامیه کې ویلي چې بېړۍ د یکشنبې له نیمې شپې وروسته ډوبه شوه. ویل شوي چې د بېړۍ د ډوبېدو د لامل په اړه پلټنې روانې دي.

د ښځو د فوټبال د نړیوال جام په دوام نن ایټالیا یو د صفر پر وړاندې ارجنټاین ته ماتې ورکړه. دغه لوبه په نیوزیلند کې ترسره شوه. ټاکل شوې نن دوه نورې سیالۍ هم وشي. نننۍ لوبې په استرالیا کې ترسره کېږي چې لومړۍ یوې کې جرمني او مراکش او دویمه کې برازیل او پانامه د سیالۍ ډګر ته ښکته کېږي.

د وزارت ویاند شفیع الله رحیمي د جولای پر ۲۳مه وویل، ''۴۱ تنه لادرکه، ۷۴ تنه ټپیان، ۶۰۴ کورونه په بشپړ او یا جزوي توګه ویجاړ شوي، څه باندې ۲۵۰ څاروي او په سلګونو جریبه کرنیزه ځمکه او باغونه له مینځه تللي دي."

د روسیې چارواکي وایي چې دوه بې‌پيلوټه الوتکې په پلازمېنې مسکو کې پر ودانیو لګېدلي دي. د مسکو ښاروال سرګي سوبیانین پر خپل ټیلګرام چینل لیکلي چې سهار وختي څلور بجې دغه الوتکې پر دوو ناهستوګنیزو ودانیو ولګېدې چې په خبره یې جدي زیانونه یا تلفات نه لري. د رسنیو د راپور له مخې، د دغو بې‌پيلوټه الوتکو ټوټې د دفاع وزارت ودانۍ ته نږدې موندل شوي دي. د روسیې د دفاع وزارت بیا ویلي چې دوه بې‌پيلوټه الوتکې په نښه او سقوط شوي او په خبره یې دا کار د اوکراین له خوا شوی دی، خو اوکراین تراوسه په دې اړه څه نه دي ویلي. Читать дальше...

د افغاني سرې میاشتې ټولنه وایي چې په میدان وردګو ولایت کې د تېرې شپې سېلابونو ۳۳ تنه مړه کړي او له شلو زیات نور یې ټپیان کړي دي. د دغې ادارې له خوا په خپره شوې خبرپاڼه کې راغلي چې زیاته مرګژوبله په جلریز ولسوالۍ کې اوښتې او په خبره یې دغې ولسوالۍ کې ۳۱ تنه مړه او ۱۵ نور ټپیان شوي دي. په دغو سېلابونو کې لسګونه کورنه هم بشپړ یا نیم ویجاړ شوي دي. تېره ورځ پېښو ته د رسېدو په چارو کې د طالبانو د دولت وزارت ویلي وو چې په ميدان وردګ، کابل، غزني، پکتيا، نورستان، خوست، ننګرهار او کونړ کې سېلابونو ۳۱ تنه مړه کړي، ۴۷ تنه ټپيان او ۴۱ تري تم دي. Читать дальше...

سیستان بلوچستان، چې پکې په تېرو څو میاشتو کې د حکومت خلاف احتجاجونه وشو، له پاکستان او افغانستان سره پوله لري. هلته جیش العدل او ځينې نورې وسلوالې ډلې فعالې دي.

د څارویو راګرځولو لپاره د کټارو جوړولو ښايي نور ضرورت پاته نه شي. د ناروې یوې کمپنۍ د څارویو راګرځولو لپاره د ټیکنالوژۍ په مرسته داسې یوه ټلۍ جوړه کړې ده چې کروندګر یې له خپلو موبایلونو کارولای شي. نور تفصیل د اسوشیېټډ پریس په دې ویډیويي راپور کې:

ملګري ملتونه وايي، افغانستان د اقلیم او اقتصادي بدلونونو له ټکانونو سره مخ دی او دا چې اتیا سلنه کورنۍ د خوړو او عاید لپاره پر کرنې تکیه کوي، د سږ کال د غنمو حاصلات به یوازې څلوېښت سلنه اړتیا پوره کړي. د ملګرو ملتونو د بشري مرستو د همغږۍ دفتر یا اوچا وايي، دې وضعیت ته په پام سره د خلکو ملاتړ ډېر مهم دی. د تېرو درېيو ورځو سېلابونو په اتو ولايتونو کې ډېر مالي او ځاني زيانونه اړولي دي. د طالبانو په حکومت کې د طبیعي پېښو پر وړاندې د مبارزې وزارت د یکشنبې په ورځ وویل چې په کابل، میدان وردګ، خوست،... Читать дальше...

د افغانستان پخواني ولسمشر حامد کرزي په افغانستان کې د اروپايي ټولنې له شارژدافېرې رافایلا یودیچه سره کتلي او د نجونو پر تعلیم او ځینو نورو مساییلو یې خبرې کړي. د کرزي په ټوېټر په دې اړه په بیان کې راغلي چې کرزي د افغان نجونو د تعلیم مسئله وبلله او له اروپايي ټولنې یې وغوښتل چې د افغان ځوانانو، نجونو او هلکانو د پوهنې د ودې لپاره جدي او هر اړخیزې مرستې وکړي. هغه همدارنګه د د دغې اتحادیې د مرستو قدرداني کړې او له دغې اتحادیې سره یې د همکاریو د دوام غوښتنه وکړه. د طالبانو له واکمنۍ نږدې دوه کاله... Читать дальше...

په پاکستان کې ۳۳ مېلیونه خلک د شکر په ناروغۍ اخته دي. دا شمېرې د اینډوکراین سوسایټۍ په نوم یوې نادولتي موسسې پرون خپرې کړي دي. د دې بنسټ له تازه معلوماتو سره سم، له ۲۰۱۹ز کال څخه تر ۲۰۲۳ز کاله په پاکستان کې د شکر د ناروغانو شمېر ۷۰ سلنه زیات شوی دی او په تېرو کلونو کې ورڅخه څلور لکه کسان کسان مړه شوي هم دي. شوګر په بدن کې د اېنسولین په نوم د یو رطوبت د کمښت یا په کافي او سم ډول د نه پیدا کېدو له کبله پیدا کېږي. د ملګرو ملتونو د روغتیا نړیوالې ادارې یا 'ډبلیو ایچ او' په وینا، په نړۍ کې شاوخوا... Читать дальше...