Новости за 08.02.2025

تمه ده د ملګرو ملتونو امنیت شورا له افغانستانه د ترهګرۍ په تېره بیا د داعش د ګواښ په اړه ځانګړې غونډه وکړي. دا غونډه به د دوشنبې په ورځ ترسره شي.

د طالبانو تر کنټرول لاندې د افغانستان د هوا پېژندنې ادارې د یکشنبې په ورځ د افغانستان په ۲۵ ولایتونو کې د واورې، باران او تیزو بادونو وړاندوینه کړې ده.

د بالتیک حوزې دریو هېوادونو لاتویا، لیتوانیا او استونیا د شنبې په ورځ (د فبروري په ۸مه) خپل د برېښنا سیسټمونه د روسیې له شبکې څخه قطع کړل.

د راشدخان په لوبډلمشرۍ ممبۍ انډینز کېپ ټاون لوبډله د جنوبي افریقا د شل اووریز لیګ اتلولي وګټله. د کېپ ټاون ټيم د شنبې په شپه د جنوبي افریقا په شل اووریز تجارتي لیګ کې له سنرایزر ایسټرن کپ سره مخ وو. د راشدخان ټیم خپلې سیالې لوبډلې ته په شلو اوورونو کې د ‍۱۸۲ منډو هدف ټاکلی وو. ایسټرن کېپ لوبډله هدف ته په رسېدو پاتې راغله. دغه ټیم د ۷۶ منډو په توپیر لوبه وبایلوده او ټول لوبغاړي یې په   ۱۰۵ منډو وسوځېدل. د جنوبي افریقا د شل اووریز تجارتي لیګ کې شامل ټیمونه د هند د کرکټ د غوره لیګ آی پي ایل د... Читать дальше...

د پاکستان پوځ ویلي ادعا کړې چې په ترهګریزو فعالیتونو کې ښکېل یو افغان تبع یې وژلی دی. د پاکستان د پوځ د مطبوعاتو دفتر آی اس پي آر د شنبې په ورځ په یوه بیان کې ویلي چې په شمالي وزیرستان کې يې پوځيانو عملیات کړي او دا افغان تبع یې چې د خوست اصلي اوسیدونکی وو وژلی دی.

د پاکستان تحریک انصاف ګوند په دې هېواد کې د عامو انتخاباتو د یو کال د پوره کیدو په مناسبت توره ورځ لمانځي. دا ګوند چې وايي د تیر کال د فیبرورۍ په انتخاباتو کې ورسره درغلي شوې ده، د خیبرپښتونخوا په صوابۍ کې یې یوه اعتراضي غونډه وربللې. د پاکستان د انتخاباتو کمیسون په تیرو انتخاباتو کې د درغلیو ادعاوې ردوي. د ازادي راډیو مشال څانګې خبریال ځلاند یوسفزی ددې اعتراضي غونډې له ځایه راپور ورکوي

پاکستان تحریک انصاف په ملک کې د عامو انتخاباتو یوه کال پوره کېدو پرمهال توره ورځ لمانځي. یاد ګوند د خیبر پښتونخوا په صوابۍ کې احتجاجي جلسه رابللې دوی وايي تېر کال د فبرورۍ پر اتمه په عامو انتخاباتو کې له دوی سره درغلي شوې وه خو د انتخاباتو کمېشن وايي هغه انتخابات په شفافه توګه ترسره شوي وو. د مشال راډیو خبریال ځلاند یوسفزی د دې جلسې له ځایه رپورټ وړاندې کوي

د ساتنې نړیوال کلستر GPC او د کډوالو لپاره د ملګرو ملتونو لویه کمېشنري UNHCR وایي تېر کال کې د طالبانو حکومت د خپلو سختو او د دوی په ټکو”تبعض امیزه” پالیسو په وسیله د نورو خلکو تر څنګ افغان ښځې او نجونې سختې ځپلي دي.

د اتلانو جام یا چمپینز ټرافي لوبې چې ټاکل شوې وه پاکستان یې کوربه وي، یوه برخه دوبی ته انتقال شوې. په پاکستان کې یوشمیر مبصرین پر خپلې لوبډلې انتقاد کوي او د افغانستان دننه ځینو ته د ملي لوبډلې احتیاطي لوبغاړي سم نه ښکاري.

امدادي قیمت هغه حداقل نرخ دی، چې حکومت یې د کرنیزو محصولاتو لپاره ټاکي، څو کروندګرو ته مالي ثبات ورکړي. کله چې حکومت دا نرخ ټاکي، کروندګر ته دا ډاډ ورکوي، چې که مارکیټ کې د غنمو بیې راښکته شي، حکومت به یې په یو ټاکلي نرخ ترې اخلي، څو کروندګر زیانمن نشي.

په کراچۍ کې پښتانه کاروباریان وايي، رینجرز سرتېرو ترې د کروړونو روپیو سامانونه په زور وړي دي. د ګاډو د ټایرونو، ناجوړو جامو یا ټوکرو  او نورو سامانونو کاروبارکوونکي پښتانه وايي، د فبرورۍ پر شپږمه، کسټم او نورو ادارو د قاچاقي مالونو په نوم یې سامانونه ضبط کړي دي. دوی وايي، د رینجر ځواک سرتېرو پرې ډزې هم کړي، چې په پایله کې یو ماشوم وژل شوی او څلور کسان ژوبل شوي دي. په کراچۍ کې د ټایرونو کاروبارکوونکو اتحادیې مشر، منظور احمد اڅکزي، د فبرورۍ پر اوومه مشال راډیو ته وویل، کسټم چارواکو او رینجر ځواکونو... Читать дальше...

دا ګوندونه په تېرو عامو انتخاباتو کې د درغلیو تور پورې کوي او  غوښتنه کوي چې په پاکستان کې دې اوسني حکومتونه ړنګ او په ملک کې دې له سره شفافي ټاکنې وشي خو مسلم لیګ نون او پیپلز ګوند دا نه مني.

په پېښور کې د جنورۍ له ۱۰مې د مشهورې ناز سېنېما د ړنګولو کار پیل شوی دی. د سېنېما چلوونکي وايي چې په دې وروستیو کې د فلمونو ننداچیان کم شوي ول چې له امله يې ګټه کمه شوې وه. تر دې وړاندې په پېښور او د خيبر پښتونخوا په نورو ښآرونو کې هم سېنېماګانې تړل شوې وې. د وسيم سجاد ويډيويي رپورټ

جرمني وایي چې په جنوري کې د مخکینۍ میاشتې پرتله د هغو کسانو شمیر چې له دې هیواد څخه یې د پناه غوښتنه کړې، زیات شوی دی. د جرمني خبري آژانس د راپورله مخې د کډوالو لپاره د جرمني د فدرالي ادارې د نویو شمیرو له مخې له سوریانو وروسته افغانان د پناه غوښتونکو دوهمه لویه ډله ده. د دې ادارې په وینا په جنوري میاشت کې ۱۴۹۲۰ کسانو په لومړي ځل په جرمني کې د پناه غوښتنې کړي چې دا د ډسمبرمیاشتې پرتله ۲۲،۵ سلنه زیاتوالی ښیي. له سوریه والو وروسته افغانان د ټولو پناه غوښتونکو ۱۳ سلنه جوړوي. جرمني تر اوسه د... Читать дальше...

ټاکل شوې چې په غزه کې د اوربند لپاره د شوې موافقې په ترڅ کې حماس نن شنبې څو نور یرغمل خوشي کړي او اسراییل به یې هم په بدل کې لسګونه بندیان خوشې کړي.

په داسې حال کې چې په پاکستان کې پر افغان کډوالو فشارونه لا زیات شوي، د ملګروملتونو د کډوالو لویه کمیشنیري وایي، د ۲۰۲۳ کال له سپټمبر میاشتې راهیسې چې دې هیواد له خپلې خاورې د ناقانونه کډوالو د ایستلو بهیر پیل کړی، تر اوسه له اتو لکو زیات افغان کډوال له هغه هیواده ایستل شوي دي

د طالبانو د حکومت د ټولګټو وزارت د جمعې په ورځ وویل چې د هرات – کندهار د اوسپنې پټلۍ د سروې او ډیزاین اړوند پنځه قراردادونه یې له پنځو ساختماني شرکتونونو سره لاسلیک کړل. دې وزارت په خپله ایکسپاڼه یا پخواني ټویټرکې د دغو قراردادونو ټول ارزښت شاوخوا ۲۶۴ میلیون افغانۍ یاد کړی او ویلي یې دي چې د دې څه باندې ۷۳۷ کیلومتره اوږدې پټلۍ د سروې چارې به په اتو میاشتو کې بشپړې شي. د ریللار په پنځو برخو ویشل شوې. لومړۍ یې له هرات ترشینډنډ ولسوالۍ پورې غزیږي. دوهمه شینډنډ له فراه ولایت سره نښلوي، درېیمه... Читать дальше...

د طالبانو د حکومت ویاند ذبیح الله مجاهد د دولتي ادارو کارکونکو ته د تنخواوو د ورکولو د پیل خبرورکوي. ښاغلي مجاهد د جمعې په ورځ پر خپله ایکسپاڼه یا پخواني ټویټر لیکلي چې د دولتي مامورینو تنخواوې به سر له نن شنبې څخه پیل شي. د هغه په خبره په لومړۍ ورځ به تنخواوې د بهرنیو چارو، حج او اوقافو، د کډوالو او بیرته راستنیدونکو چارو، سوداګرۍ او صنعت، دفاع، لوړو زده کړو، کانونو او پترولیم او مالیې وزارتونو کارکونکو ته توزیع شي. ښاغلي مجاهد همدارنګه ویلي چې د نورو وزارتونو او ادارو د کارکو,نکو معاشونه به په راتلونکو څلورو ورځو کې اجراشي. Читать дальше...

د اروپایي ټولنې یوه چارواکې وایي، د افغان ښځو د لاسنیوي لپاره له طالبانو سره له تعامل پرته بله چاره نه لري. دا څرګندونې د دې ټولنې د بهرني سیاست د مشرې ویاندې انیتا هیپر له یورو نیوز سره په تازه مرکه کې کړي دي. نوموړې ویلي چې په افغانستان کې د اروپایي ټولنې ډیپلوماتیک حضور کولای شي چې د افغانستان له اوسنیو واکمنانو سره ښوونځیو ته د نجونو د ستنیدو په اړه خبرې مخ ته یوسي. میرمن هیپرهمدارنګه ویلي چې له افغانستان سره د اروپایي ټولنې په بشري مرستو کې هم دې ته پام کیږي چې دغه مرستې د زده کړې د کیفیت... Читать дальше...

د ایران ستر  مشر ایت الله علي خامنه ‌‌یي د خپل هیواد د اټومي پروګرام په اړه له متحدو ایالتونو سره د خبرو احتمال ردکړ او  ټینګار یې وکړ چې خبرې به د ایران ستونزې هوارې نه کړي. خامنه یي د جمعې په ورځ د ایران د هوایي ځواک افسرانو ته په وینا کې وویل چې «موږ باید دا واقعیت درک کړو چې له امریکا سره خبرې اترې زموږ د ستونزو د حل لپاره اغیزمنې نه دي.» هغه زیاته کړه، دا به عاقلانه او منطقي نه وي چې خبرې ترسره شي. نوموړی دا څرګندونې وروسته له هغې کوي چې ایراني چارواکو په وروستیو څو میاشتو کې داسې نښې ښودلې... Читать дальше...

د ترکیې ولسمشر رجب طیب اردوغان د جمعې په ورځ له خپل فرانسوي سیال ایمانویل مکرون سره په ټیلفوني خبرو کې پر سوریې د بندیزونو د نرمولو لپاره د اروپایي ټولنې د پریکړې هرکلی وکړ. د اروپایي ټولنې ۲۷ غړیو په سوریه کې د کورنۍ جګړې په مهال د بشار اسد پر رژیم پراخ اقتصادي بندیزونه لګولي و. د فرانسپرس خبري آژانس د راپورله مخې، د اروپایي ټولنې د بهرنیو چارو وزیرانو تیره میاشت موافقه وکړه چې پر سوریې به د لګول شویو بندیزونو نرمول پیل کړي. د ترکیې د ولسمشر دفتر وویل چې اردوغان خپل فرانسوي سیال مکرون ته وویل... Читать дальше...