Новости за 07.07.2025

د ملګرو ملتونو د کډوالو لویې کمیشنرۍ ویلي چې سږ کال تر دې دمه تر یو میلیون او څلور سوه زره زیات کډوال بېرته افغانستان ته ستانه شوي، چې ډېری یې په زور شړل شوي دي. دې ادارې خبرداری ورکړی چې له دې امله د بشري ناورین کچه نوره هم ژوره شوې، ځکه منابع ورځ تر بلې کميږي. د ملګروملتو د لویې کمیشنرۍ په وینا، بېرته ستنو شویو کډوالو، چې لویه برخه یې له ایران او پاکستانه خپل هیواد ته ګرځېدلي، د افغانستان پر زیانمن شویو زېربناوو له حده زیات فشار راوړی دی او بشري اړتیاوې یې ډېرې کړې دي، په داسې حال کې چې نړیواله مرسته هم کمه شوې ده. Читать дальше...

د امریکا حکومت د سوریې هیئت تحریر الشام د خپلو بهرنیو ترهګرو سازمانونو له لست څخه وایست. د ډونالډ ټرمپ د حکومت له لوري د دې ګام پورته کېدا ښايي د سوریې له نوي حکومت سره د پراخې همکارۍ نښه وي. د اسوشیتید پرېس خبري آژانس د راپور له مخې، دا پرېکړه شاوخوا دوې اوونۍ مخکې شوې، خو تمه ده چې له راتلونکې سې شنبې (۱۷م چنګاښ) څخه عملي شي. د امریکا د بهرنیو چارو وزیر، مارکو روبیو، په یوه رسمي بیان کې ویلي چې دا پرېکړه یې د امریکا له لوی څارنوال او د خزانې وزیر سره تر مشورې وروسته کړې ده. د «جبهه النصره» نومې... Читать дальше...

د ملګروملتو عمومي اسمبلۍ پرون (دوشنبې) د افغانستان د وضعیت په اړه غونډه وکړه.

په دې خبري ټولګه کې د ورځو مهمو پیښو ته په لنډو کې کتنه شوې ده

ټاکل شوې د امریکا او اسراییل مشران نن سره وګوري او د ایران او غزې په وروستیو حالاتو خبرې سره وکړي. لویدیځ اژانسونه وایي چې د اسراییل او ایران او اسراییل او فلسطینیانو ترمنځ جوړجاړی او سوله د خبرو اصلي ټکي دي. تر دې ملاقات مخکې ټرمپ د غزې د اوربند طرحه وړاندیز کړې ده.

په افغانستان کې د ملګرو ملتونو مرستندوی ماموریت ( یوناما) د دوحې بهیر د کاري ډلو د تیرې اونۍ غونډې جزیات نن دوشنبه( د چنګاښ ۱۶) رسنیز کړي دي. دغه دوه ورځنۍ غونډه کې چې د جون په دیرشمه او د جولای په لومړۍ نیټه ترسره شوه د افغانستان د خصوصي سکتور په ملاتړ او له نشه یي توکو سره د مبارزې پر لارو چارو متمرکزه وه. د یوناما مشرې روزا اتونبایوا په یوه خبرپاڼه کې ویلي، غونډه کې یې له طالب استازو سره د افغانستان په نړیوالو ژمنو او د ښځو او نجونو د رول په پیاوړتیا خبرې کړې دي. د دوحې بهیر د کاري ډلو په یاده... Читать дальше...

په ایران کې میشتو افغان کډوالو ته له دې هیواده د وتلو لپاره د ورکړل شوي مهلت سره هم مهاله یو شمېر کډوال وايي له زیاتېدونکې فشار او له ستونزمنو حالاتو سره مخ دي. په ایران کې میشت د شپږ کسیزې کورنۍ سرپرست حفیظ الله چې د سرشمېرنې د پاڼې موده یې د یکشنبې په ورځ پای ته رسېدلې وايي په ایران کې د ټولو افغان کډوالو ژوند ستونزمن شوی. نوموړي نن ازادي راډيو ته وویل چې هره شېبه د پولیسو له لوري د دوی د نیولو ویره موجوده ده او له خپلو کورونو نه شي وتلی خو د اقتصادي ستونزو له امله افغانستان ته د بېرته تګ وس نه لري. Читать дальше...

د جولای اتمه د بې پاسپورټه او بې ویزې سوداګریزو موټر چلوونکو لپاره د مهلت ورستي ورځ ټاکل شوې او د دې دواړو درلودل نور ورته حتمي دي. د پاکستان او افغانستان د سوداګرۍ د ګډې خونې سلاکار دکتور مخلص احمد دوشنبه (د جولای په ۷ مه) د دې ټکي په څرګندولو سره ازادي راډیو ته وویل، دوی هیله من دي چې دې ستونزې ته بله حل لاره راووځي، ګڼې په خبره یې د دواړو غاړو سوداګرو به جدي ستونزو سره مخ شي. "موټر چلوونکو ته په (دومداره توګه) د ویزو او پاسپورتونو تر لاسه کول ستونزمن دي، هیله مند یو چۍ د کابل او اسلام اباد چارواکي... Читать дальше...

اسراییل نن سهار د حوثیانو د بریدونو په غبرګون کې د یمن درې بندرونه، یو برښنا کوټ او د حوثیانو پټن ځایونه په نښه کړل. د اسراییل پوځ په یوه خبرپاڼه کې ویلي چې تېر ماښام یې یوه بل برید کې د " ګلکسي لیډر" په نوم هغه بیړۍ هم ویشتلې چې حوثیانو ۲۰۲۳ کال کې برمته کړې وه. دا بریدونه وروسته تر هغه وشول چې حوثیانو حدیده بندر ته نژدې پر یوه بیړۍ برید وکړ. د غزې د جګړې له پيله حوثیانو تل د فلسطین په دفاع کې پر اسراییل او سره سمندرګي کې پر سوداګریزو بیړیو بریدونه کړي دي.

د امریکا په تکزاس کې د ویجاړونکو سیلابونو له کبله د مړو شمیر ۸۲ ته پورته شو. لسګونه کسان لا هم تري تم دي. څه باندې څلویښت تنه په کېر ښارګوټي کې مړه شوي او څو نورو ښارونو کې هم مړي موندل شوي. سیلاب د هغو ۴۱ تنو وړو نجونو کمپ هم په سر اخیستی چې د یوه سیند غاړې ته په مېله تللې وې. د اوبو کچه کمه شوې، خو د نورو ورښتونو وړاندوینه شوې. سیلابونه د جمعې په ورځ پيل شول. د تګزاس والي ګرګ ابوت پرون یکشنبه ویلي، ټول بنسټونه په پلټنه بوخت دي او کله چې د اوبو کچه کمه شي، دا هڅې به پراخه شي.

د پاکستان پولیس وایي، د هغه زمري مالکان یې نیولی چې لاهور کې یې یوه ښځه او دوه ماشومان ټپیان کړي وو. پولیسو پرون یکشنبه ویلي، له یوې کروندې تښېدلي زمري، یوه میرمنه او د هغې پنځه کلن او اووه کلن ماشومان ټپيان کړي دي. په استوګنیزه سیمه کې په یادې کورنۍ د زمري د برید ویډیو خپره شوې ده. د پولیسو په خبره، د زمري مالکانو د برید پر مهال ننداره کوله او د حملې د مخنیوي هڅه یې نه ده کړې. دا زمری اوس یوه پارک ته لېږدول شوی دی.

شمس الزمان شمس د پښتو ژبې يو داسې شاعر دی چې په خپل وخت کې له ډېر زیات شهرته برخمن شو. نوموړی د کرک اوسېدونکی وو او په ۱۹۲۳ز کال کې زېږېدلی وو. د هغه په دور کې د پښتو لوی شاعران موجود ول خو سندرغاړو یې دومره کلامونه وویل چې نوم یې د پښتون مېشتو سیمو ګوټ، ګوټ ته ورسېد. "هسې په خوله وایم چې ښه تېرېږي – بغیر له تا وختونه نه تېرېږي" د هغه غزل مطلع ده چې سندرغاړو ویلې او تر ننه مشهوره ده. شمس په پولیسو کې لوی افسر هم وو. پوهان وايي، د هغه شاعرۍ جلا رنګ درلود. نور په دې رپورټ کې.

د کډوالۍ نړیوال سازمان ( ای.او.ایم) وایي، په تیره څه باندې یوه میاشت کې نژدې ۴۵۰ زره افغانان له ایرانه هېواد ته ستانه شوي دي. دغه سازمان نن دوشنبه( د چنګاښ ۱۶) ویلي چې دغه شمیر کډوال د جون له لومړۍ د جولای تر پنځمې نیټې پورې راغلي دي. دغه ستنیدنه وروسته له هغه ترسره شوې چې ایران په دغه هېواد کې بې اسناده کډوالو ته خبرداری ورکړ چې د جولای تر شپږمې ( د چنګاښ ۱۵) پورې له هغه هېواده ووځي. د کډوالۍ نړیوال سازمان ویاند فرانس پریس ته ویلي، د کال له پيله د ټولو راستنو شویو کسانو شمیر څه باندې ۹۰۶ زرو ته رسیږي. Читать дальше...

۲۲ کلنه مینا ګل د خېبرپښتونخوا د مردان ښار اوسیدونکې د ګوزڼ (پولیو) له وجې په یوه پښه معذوره ده خو نوموړې وايي، خپله معیوبي د ژوند د لارې خنډ نه بولي او د لاسي صنایعو، درزیتوب (خیاطۍ) تر څنګ د سینګارتوکو جوړولو زده کړو ترلاسه کولو وروسته اوس د معذورانو په یو مرکز کې نورو نجونو او ښځو ته تعلیم ورکوي.

د ننګرهار د سپین غر ولسوالۍ اوسېدونکي فرید د جولای پر شپږمه مشال راډیو ته وویل، سېلابونو خلکو ته لوی زیان اړولی او د هغوی د کور ۶۰ میټره اوږد دېوال هم نړېدلی چې د بیارغونې وس یې نه لري. "زموږ غوښتنه له مرستندویه ټولنو دا ده چې په دې برخه کې له موږ سره مرسته وکړي."