پوهنې وزارت: ډېر ژر به د تدریس په ټپه درېدلی بهیر پیل شي
پوهنې وزارت وايي، ډېر ژر به د زدهکوونکو لپاره د تدریس په ټپه درېدلی بهیر پیل شي.
د افغانستان حکومت د کرونا ویروس سره د مبارزې او د دې ویروس د لا ډېر خپراوي د مخنیوي په هدف، ټول ښوونځي تړلي او ژمنهیې کړې چې ژر به په ټلوېزیوني او راډیويي ډول د زدهکړو درېدلې چاره پیل کړي.
د حکومت له دې ژمنې د نږدې یوې میاشت له تېرېدو وروسته، اوس د پوهنې وزارت د دغه بهیر د عملي کېدو خبره کوي.
د پوهنې وزارت ویانده نوریه نزهت وايي، د زدهکوونکو لپاره د زدهکړې ورکولو طرحه بشپړه شوې او له درې لارو عملي کېږي.
اغلې نزهت د سې شنبې په ورځ «۱۳۹۹ کال د غويي ۰۲» ازادي راډیو سره خبرو کې وویل، د افغانستان ملي راډیو ټلوېزیون به د خپلو څپو له لارې تدریسي بهیر پیلوي، تر خوا بهیې هغو سیمو کې چې امکانات نهشته د عامې روغتیا وزارت د لارښوونو سره سم کوچني ټولګي جوړ شي او همدا ډول به ښوونیز مواد په زدهکوونکو ووېشل شي.
د پوهنې وزارت ویانده د دې پروګرام د پیل د کره نېټې په اړه څه نه وايي، خو زیاتوي، په سړو سیمو کې به د ولسمشر محمد اشرف غني لهخوا د ښوونیز کال د پیل له زنګ سره سم دا بهیر پیل شي.
خو د افغانستان د ولسي جرګې د د دیني، فرهنګي، لوړو زدهکړو او پوهنې کمېسیون وايي، دا طرحه بریالۍ نهده او د ډېر شمېر لیرې پرتو سیمو زدهکوونکي به ونهشي کولای په دې ډول زدهکړې وکړي.
د افغانستان د پوهنې وزارت وايي، زدهکوونکو په کور دننه د زدهکړې بهیر لومړی په امتحاني ډول پیلېږي او له هغې وروسته بیا عملي ډګر ته ځي.